مشكوره

دانه بعين بحارها

وننتظر القادم

من الروايه الجميله

اااكيــــــــــــــد قريتهااااا طبعااااا شدعوووة بصور وياااها لازم اقراااهااااااااا

ااستعجلي عااد ترى اهووون مااكملهااااااا

تهدد <<<< هههههههههههههههههههههه

ماقدر تحمست كمليهااااااااااااااا :( ,,,,

همي تراه انتي تسلم على مرورك اللي اسعدني

هههههههههههههههه طيب شوي شوي لاتهددين ترا بعدين حنى انا اعصب وما اكمل p: >>> تعرف تهدد
يلا (يتم الان تنزيل الجزء القادم لعيون قسيت قلبي)

الفصل الثالث

الجـــــــــزء الاولـــــــــــ 000

كان وافي منزل راسه يشوف الضرر الي اللحق بالسياره
كان لا بس شماخ وكاشخ لان بروح يسلم على خواته من جاء من الجبيل ما شافهم
لما دعم ضاق خلقه
وهو منزل راسه يملس الزجاج المتكسر 00الله يعني فيها مرور واجرائت ومن الغلطان وبعدين اصلح السياره والله شغله 0000 سمع صوت دلال وهي معصبه ما حب يرفع راسه الا لما تقول الي بدقوله

انت ما تحس يقيت تقتلنا وتكسر ضلوعنا ما تعرف تسوق السياره0 الشره مو عليك على الي عطاك الرخصه
صحيح ناس مطيورين ما عندهم ركاده ولا حتى00000

وافي ما اهتم بالكلام الي قالته كثر ما شده الصوت والاسلوب وكانه تذكر شيء 000 ياالله نفس الصوت ونفس الاسلوب معقوله تطلع اهي خلينا ارفع راسي واتاكد

رفعت وافي لراسه كانت مثل الصدمه لدلال خلتها تنسى الكلام الي بتقوله
عطاها نظره قويه من طرف عينه
ما قدرت تقول اكثر من الي قالته بحركه سريعه من يدها افتحت باب السياره واركبت وسكرت باب السياره بقوه خلت وافي يضحك
دلال حست بالحر وبشيء كاتم على انفاسها ما كانت حابه تنحط بموقف مع نفس الشخص مرتين والمشكله صارت صورتها مو حلووو قدامه والي معذبها ان ما نطق بكلمه وبروده يستفزها وهي الي مسويه زحمه والشارع فاضي
يعني شسوي هو الغلطان مرتين يعني يبين اسكت له هو اساسا ما همني وش يقول عني يقول الي يقوله الهم اني ما خليت بخاطري شيء 000طيب يمكن مو الغلط منه يمكن من سواقنا وشلون راحت عن بالي يالله ليش افكر خلاص صار الي صار وقلت الي قلته 000 خليني اطلع جوالي وادق على هيام احسن

دلال : مــــرحبا
هيام : مراحب 000 وصلتي
دلال بتنهيده : لااااااااااا
هيام : دلال انتو تمشون على بيض وش دعوه
دلال : لا صار لنا حادث بسيط
هيام : سلماااااااات عسى ما صار لك شيء
دلال : لا الحمدلله بس يخلص مع المرور ومسافت السكه وحنا عندكم
هيام : سجى وانفال وصلو
دلال : طيب 0000 والله اني بموت حر في هذي السياره واكيد شعري انعفس ومكياج ساح
هيام: ما عليك اذا جيتي نضبطك انتي لا يضيق خلقك 000 كم دلال عندنا
دلال ببتسامه : وحده طبعا
هيام : يا حلوها 000 خلاص اذا وصلت عطيني خبر
دلال : ان شألله

سكرت دلال من هيام وجلست تناظر المرور والسواق والشخص الي ادعمو فيه
هي تتفحص طوله وجسمه وملامحه تذكرت نظراته لها من شوي نظراته بالامس والله غير

فـــــــــي المشغل
كانت سجى وانفال وهيام يلبسون عبايات التخرج والقبعات علشان يصورن
سجـــــــى : يابنات بنصور صوره جماعيه
هيامـ: كل وحده تصور صوره لوحدها وبعدين نصور صوره جماعيه
وبطلع منها اربع نسخ علشان كل وحده تحتفظ بنسخه عندها لذكرى
انفال : حلووووو
الا بدخلت دلال المشغل وكانها جايه من مكان بعيد ومشيء مبين عليها التعب والحر
سلمت عليهم سلام من بعدين وراحت تعدل شعرها ومكياجها
سجى بستقراب : وش فيها دلال كان سياراتهم ما في تكيف
هيام: لا صار لها حادث بسيط ووقفت في الشمس
سجــى: اهاااا
بعد نص ساعه جات لهم دلال وردت فيها الروح والابتسامه ماليه وجها

(( دلال شعرها طويل ومقصص على طوله وصابغته اسود وفي خصل ثلجي من الاطراف وعيونها وساع ولونها عسلي وانفها مثل حدت السيف وكانت بشرتها صافيه و قامتها طويله وجسمها رشيق تحب تعتني بشكلها
ومظهرها كثيرو لياقتها واناقتها من اهم اهتماماتها ))
دلال: سامحوني ما سألت عن اخباركم يالله بس نخلص تصوير نجلس جلسه نسمع اخباركم
صورت كل وحده لوحدها وبعدين صورو صوره جماعيه

هيام : سجى وانفال انتو اجلسو على الكراسي وانا ودلال نوقف وراكم
سجى : طيب
دلال : بنات قبل لا نصور وشرايكم بشكلي
سجـــى ببتسامه : قمــــــــر
دلال بدلع : ادري
انفال : يالله عاد خلونا نصور علشان يصير عندنا وقت نسولف قبل لا يجي سواق ابوي

لما خلصو تصوير اجلسو في غرفه صغير يسولفون
هيام: وش تبون اجيب لكم بيبسي ولا عصير
دلال : انا ابي بيبسي
هيام : طيب 000 وانت انفال وش بقيتي
انفال : انا جيب لي عصير برتقال الربيع
هيام : سجوي
سجى : ودي بيبسي
هيام ببتسامه : من عيـــــــــــوني
لما طلعت هيام رن جوال انفال

عمي طلال بتصل بك
انفال ببتسامه : الووووو
طلال : السلام عليكم
انفال : وعليكم السلام
طلال : واين انت فيه
انفال : انا في المشغل اصور
طلال : وش مناسبة التصوير
انفال : اصور انا وصديقاتي بزي التخرج
طلال : اهااااااا 000 وش بقيت اقول مممممممم متى راح ترجعين
انفال : على الساعه 8
طلال : لا تطولين انا اليوم عازمكم وانت وبنات عمك وعمتك على العشا
انفال ما حبت تسأله وش مناسبة العزومه لان علاقتها بعمها ما زالت محدوده
انفال : طيب
طلال : مع السلامه
سكر طلال قبل لا يسمع الرد
هيام وهي داخله سمعت انفال وهي تتكلم
هيام بخبث : من الي متصل
انفال : هذا عمي طلال
سجى : يا عيني على الحركات وطلع لك عم والله منتي بسهله
دلال بدلع : وقول لي حلو ولا وين يشتغل والاهم متزوج ولا وليش متصل عليك وش يبي
هيام: بس عندك هذا العم ولا في غيره
انفال : كليتوني شوي شوي علي
انفال : هذا عمي طلال اصغر عمامي عمره يمكن في العشرنات وين يشتغل مدري والله ما سالت عندي عم اكبر منه متزوج وعنده اعيال كبار اما عن اتصاله يقول عازمني مع بنات عمتي وبنت عمي ليلى على العشا
سجـــــى : طيب وشلون علاقتك مع بنات العيله
انفال بلا مباله : مدري بصراحه بنات عمتي ما ارتحت لهم اما بنت عمي بو شهاب ممممم حلوه معي يعني زياره وحده ما تكفي اعرفهم عدل واكتشف شخصياتهم
دلال بفضول : عندكم شباب في العيله
سجى تتقترب من دلال وتهمس لها في اذنها : دلال وش هذا السؤال
دلال : عادي وش فيها مجرد سؤال
انفال تناظر سجى : لا عاد خليها تسأل 000 عندي عيال عمي بو شهاب شهاب وكمال ولد عمتي عبدالعزيز
هيام: ان شألله يكون نصيبك واحد منهم
انفال بضيقه : ما اعتقد نسيتو اني لولد خالي
هيام : الا تعالي وما قلت لي وش صار على ولد خالك
انفال : مدري والله بس امس يوم كلمت امي تقول انها كلمت خالي بو عدنان علشان يخطبني من ابوي لان عمي منصور يقول مو حلوه يصير شيء وابوي ما عنده علم بالموضوع
دلال بتردد: انفال انت مواقفه على ولد خالك عدنان
انفال فكرت شوي وقالت : عادي
هيام حبت تغير الموضوع : دلول الحمدلله على سلامة اخوك متى وصل
دلال : لا ما بعد طيارته الليله
هيام :اهاااااااا ان شألله يوصل بالسلامه اذا وصل طمنينا عليه
رن جوال هيام شافت الشاشه وارتبكت وعطته مشغول
سجا : متى راح يطلعون الصور 000 هيام اكلمك
هيام : نعم وش قلتي
سجى : متى راح يجهزون الصور
هيام : بحاول اخلصهم بعد ثلاث ايام اذا جهزو عطيتكم خبر
ويرن جوال هيام مره ثانيه وعلى طول عطته مشغول
دلال : هيام ليه ما تردين
هيام برتباك : ها 000 لا هذي قصدي هذا ولد يلعب
دلال وكانها مو مقتنعه بكلامها : اهااا
ويرن الجوال مره ثانيه وثالثه وتعطيه مشغول
دلال : ترى ازعجنا جوالك حطيه على الصامت ولا طفيه احسن لك
هيام : طيب بحطه على الصامت
سجى بفرح : وشاركم يا بنات نسوي حفله
دلال : والله فكره حلوووووه
هيام : اقتراح حلو بس خلوها بعد النتايج
سجى : ترى بتكون الحفله في بيتنا هذا انا قلت من الحين
دلال : ليه ما تكون في بيتنا
سجى : اخر حفله سوينها كانت في بيتكم يوم نعزم صفاء الهبله وشلة متوسط وبنات الثنويه
كانت حفله حركات
دلال : ههههههههههه أي حركات انت وجهك يوم تزحلقت صفاء في قشر الموز على طول في المسبح
ولا يوم نرقص وتلتوي رجل نوره وتصفع ولا عاد نجمه ودلع الزايد الى ما له معنا ولا طعم
هذا المره ما نبي نعزم احد نعزم من اهلنا وبنات عمتي ازين لنا
سجى :أي والله 000 خليني ادق على عمي يجي ياخذني ازين لي

سجى : هلااااااا وغلاااا بالغالي الي ما يسأل
وافي : هلاااااا
سجى بحزن : ليه تقولها من غير نفس
وافي :اخلصي وش بقيتي
سجى : ابيك تجي تاخذني من المشغل
وافي : مني بفاضي خلي السواق او اخوك عبدالرحمن يمرك
سجى ما حبت تسأله وش فيك تخاف انه يعصب عليها الاحسن تسأل اخوها عبدالرحمن
سجى :طيب وقفلة الخط

دلال : سجى وش فيك انقلب وجهك
سجى : ما فيني شيء بس ما ادي وش فيه عمي اول مره يكلمني كذا اكيد فيه شيء 00 خلينا ادق على عبدالرحمن يمرني 00 ولا احسن ادق على السواق
دلال : افضل علشان اروح معك
سجى : يعني ما بتروحين معي اذا جاني اخوي عبدالرحمن
دلال : لاااااا 000 ما اروح الي معا سواويق
سجى : هههههههههه خلاص نلبس اخوي بلدلت الهندي ونخليه سواق
دلال بستخفاف : ها ها ها ضحكتيني
انفال : يالله يابنات انا بمشي مع السلامه وخلونا على اتصال يوم النتايج
البنات : الله يسلمك
سجى : هيام متى بطلعين
هيام : الساعه 10
سجى : اهاااااااا دلال يالله السواق برى قومي اوصلك
سجى ودلال : مع السلامه
هيام : الله يسلمكم

هيام اجلست تفكر في الغرفه شافت جوالها لقت مكالمه لم يدر عليها = 7
وعلى طول دقت
هيام : انت ما تفهم ما اقدر ادر عليك وانا جنبي احد
000: مشتاق اسمع صوتك ما اقدر
هيام بخجل : تشتاق لك العافيه
000: طيب الحين جنبك احد
هيام: لاا كانو صديقاتي عندي وتوهم طالعين من شوي
000: طيب كان رديتي علي وقلت لي جنبك احد
هيام: ما اقدر صعبه اخاف يحسون فيني

كانت انفال في السياره تفكر ياترى ليه عمي عازمنا اليوم وين عازمنا المشكله اني للحين احس نفسي غريبه يعني حتى عمي ما اعرفه عدل ولا حتى سولفت معاه وبنات عمتي ما استلطفتهم وهم شكلهم ما ارتاحو لي يمكن ما حبوني افضل شيء ان اعتذر من عمي واقول لابوي اني بروح بيت امي اذا ما رضى بقول لعمي اني تعبانه وما اقدر اروح معاهم 0000لاالالالا مو حلوه وش يقول عني يعني اروح 000يالله خليني اروحو والله انا صرت اخاف من هذي الدنيا وش مخبيا لنا في لياليها 0000عاد انا
ليش ازيد همي هم خلينا اتفائل بالخير تفائل بالخير تجده 000 والله اشتقت لبيت امي

قطع حبل افكارها صوت السواق
السواق : مدام في يوصل
انفال : زين

اول ما افتحت باب البيت
لقت لعيال جالسين في الصاله مع ام ضاري
انفال ببتسامه : السلام عليكم
ام ضاري : وعليكم السلام ها قول لي وشلون كان التصوير
انفال قالت تمام وهي بتصعد فوق
ام ضاري : انفال ما تبين احط لك غدا قصدي عشا
انفال : مشكوره خالتي ما ابي
ام ضاري : ما كلتي شيء من طلعتي
انفال بتردد: مممممممم عمي طلال عازمني مع بنات عمي على العشا
ام ضاري : يووو نسيت ترى عمك طلال جالس في المجلس مع ابوك وعمك بو شهاب روحي سلمي عليهم
انفال ما تبي تسلم واستحت تقول لام ضاري :بروح ابدل ملابسي بعدين بسلم عليهم

انفال دخلت الغرفه استحي اروح اسلم على عمامي خليني ابدل ازين واذا بدلت وش اسوي اكيد بنزل اسلم يعني مردي بسلم خليني اتاخر يمكن يطلعون

بدلت ملابسها ولبست بنطلون جينز مع بلوزه لونها اسود واكمامها طويله وهي تسرح شعرها عند المرايا
في احد يدق على الباب
انفال : تفضل
عبدالله فتح الباب : انفال عمي طلال يبقاش تحت بالصاله
انفال : طيب الحين بنزل
انفال سرحت شعرها بسرعه ورفعته ولفته مثل الكعكه ورشت لها عطر كان موجود على الطاوله توها بتطلع من باب الغرفه ارجعت مره ثانيه
اخذ عباتي ولا ما اخذها خليني اخذها احسن
طيب اذا نزلت اسلم عليه بيدي ولا لا احب راسه ولا لا والله ما ادري خليني انزل

لما نزلت انفال شافت طلال جالس في الصاله
انفال وتمد يدها : السلام عليكم هلا عمي شخبارك
طلال ويمد يده يسلم عليها : وعليكم السلام والرحمه
انا بخير دامك بخير

انفال اختارت مكان يكون بيعيد شوي عن المكان الي جالس فيه عمها بس يكون مقابله له
طلال : ان ادري انك تتسالين انا ليش عازمكم اليوم
ناظرها قبل لا يكمل يوم شافها ما تكلمت كمل
طلال : هذا العزيمه يا بنت اخوي لش حبيت تحتكين اكثر ببنات عمك وتشيلين الحواجز الي بينكم والرسميات خلاص الحين انتي منا وفينا والمفروض هذا الشيء يصير من زمان وانا حبيت اتكلم معك فبل لا نروح نمر على بنات عمتك لان بصراحه ما اعرف عنك شيء حاب ادردش معاك شيء قبل لا نمشي علشان ما تحسين انك غريبه بينا
طلال ببتسامه : انت أي صف تدرسين
انفال : انا توني متخرجه من الثنويه وانتظر النتايج
طلال : حلوووو ما شألله طيب وش سويت في الاختبارات
انفال : الحمدلله انا حليت والباقي على الله بس انا متفائله انشألله اجيب نسبه عاليه
طلال : كيف كانت نسبتك في الفصل الاول
انفال بعتزاز : 99.40
طلال ببتسامه عريضه : ما شألله عليك يا بنت اخوي نسبه ترفع الراس 000 ما طلعت على احد قريب على ابوك وعمامك
طلال : انفال عندك اخوان من امك
انفال : عندي اخوين نصار عمره 14 وسالم عمره 11
طلال : يعني ما عندك خوات لا من امك ولا من ابوك
انفال : ما عندي بس عندي صديقاتي كانهم خواتي واكثر بعد
طلال : طيب كيف علاقة زوج امك معك
انفال : الحمدلله
طلال ما كفاه هذا الجواب كان وده يعرف اكثر
طلال : يعني يحسسك انك غريبه او يعني انك مو بنته
انفال : لا ما يحسسني اني غريبه بس انا فعلا مو بنته يعني ما بيعطيني مثل ما يعطي الاب الحقيقي الحنان والحب لاطفاله
طلال كان يجول في باله سؤال بس ما حب يسأله يخاف يعكر مزاجها او الجواب يكون صعب عليها
كان السؤال هل ابوش عطاك حنان مثل ما يعطي اعياله
طلال ببتسامه : الله يخليكم لبعض 000 طيب الحين بعد ما سولفنا شوي خلينا نروح نمر على بنات عمك
ونكمل سوالف في الطريق
انفال ارتاحت من عمها طلال ما توقعته كذا انسان رائع بمعنا الكلمه و بسرعه يدخل القلب

سجى اول ما دخلت البيت شافت الكل جالس في الصاله
سجى : السلام عليكم جميعا
راحت على طول وباست راس امها
سجى : هلا يما شخبارك
ام تركي : بخير ونعمه
سجى : وين ابوي ما شفته اليوم
ام تركي : صعد ينام تدرين جاي من المزرعه تعبان 000 انا بقوم انام
سجى :تو الناس يما
ام تركي : انا اصحا بكر على قعدت ابوش من النوم ازهب له الفطور ومن قعدتنا ما ننام مو مثلكم ما تجلسون الا الضحى
عبدالرحمن : واخير شرفت الاخت
سجى : تدري الشوارع زحمه وصلت صديقتي يعني يبيلي وقت
عبدالرحمن وسوي روحه زعلان : شكلك استغنيتي عن خدماتي
سجى : وانا اقدر
عبدالرحمن : طيب ليه ما دقيتي على اجي اخذك انتي تعرفيت اني ما احب تركبين مع السواق لوحدك
سجى : مدري دقيت على عمي وافي وما عطاني وجه خفت ادق عليك وما ترضى تجيني
قلت خليني ارجع مع السواق
عبدالرحمن بستقراب : وش فيه عمي وافي مو بالعاده يرفض لك طلب
سجى : والله مدري شكله مضايق قلت انا اكيد الاخبار عندك
عبدالرحمن : خبري به البارح بخير وقال ان اليوم بيروح يزور عماتي 000 تدرين خليني ادق عليه واقول له يجي

سجى : انا بروح ابدل ملابسي على ما تدق عليه

نبذه عن عائلة سجـــــــــى

ابو تركي :عنده من العيال

تركي تشتغل ضابط متزوج من بنت عمه ناديه وعندهم بنت رشا والحين مرته حامل وساكنين معهم في البيت
بعدين عبد الرحمن
بعدين سجــــــى
وبعدها حمد عمره 16 سنه ولد مراهق وطايش ومندفع

عمها بو مشاري
مشاري عمره 24 ويشتغل مهندس
ناديه وعمرها 21 وهي زوجت تركي
ليلى عمرها 13 سنه

العمه ام سامي زوجها متوفي
عندها ولد واحد سامي يشتغل في الخطوط الجويه وعمره 26

والعمه عليا عمرها 22 تدرس في الكليه قسم رياضيات مو متزوجه

واخر شيء العم وافي عمره 25 يشتغل في الجبيل يحب يعزف عود وخيتار كثير وهو فنان واحساسه حيل مرهف صمته في بعض المواقف حكمه وعيونه دائما تحكي عن الي في نفسه يفهم لغة العيون الناس الي يعرفونه ومقربين منه ما يحبون تطيح عيونهم في عينه يخاف يكتشف شيء يحاولون يخبونه

العمه ام سامي وولدها سامي والعمه عليا والعم وافي ساكنين في بيت واحد يسمونه بيت العايله الي هو بيت اوبوهم قبل لا يتوافا العمه ام سامي لما توفا زوجها ما حبت تسكن مع ولدها في بيت لوحدهم باعت بيتها واسكنت مع اهلها وافي لما اشتغل في الجبيبل يجي بين فتره وثانيه يجلس عندهم او في بيت اخو ه بوتركي

دخل وافي بيت بو تركي والابتسامه على جوه وشماخه على كتفه وعقاله فوق راسه
وافي : السلاااااااااااااااام
عبدالرحمن : توني بدق عليك
وافي : وين اخوي ابو تركي وين تركي وين مرته ناديه وين القمر رشرش وين الحلوه سجى وين حمد
عبدالرحمن : ما كانك نسيت احد
وافي : من الي نسيته
عبدالرحمن : الخدامه رسمهم
وافي : هههههههههه هذا يعني وين بتكون يا نايمه او في المطبخ
عبدالرحمن : انت اخبارك
وافي : ما تسألني عن شيء حدي تعبان ابي انام وخر خليني انام على الكنب
عبدالرحمن : اصعد نام فوق
وافي : اقولك حدي تعبان ما اقدر اصعد الدرج
عبدالرحمن : وش دعوه وش مسوي
وافي : اذا جلست بكره اخبرك
عبدالرحمن : نوم العوافي

وافي انسدح على الكنب وغمض عيونه يبي يرتاح بعد هذا اليوم من صار له الحادث ما جلس على حيله راح المرور طبعا طلع الغلط من السواق وبعدين وده السياره الوكاله ويصلحونها
لما غمض عيونه وافي مرت عيونها ياالله من صار الحادث وعينها ما تفارقني من اغمض عيوني تجي صورت اعيونها انا اعرف لغة العيون لكني عجزت اقرا عيونها عيونها لغة خاصه سحر خاص

هل سيكون في لقاء اخر بين وافي ودلال ؟
هيام وكيف هي حياتها ومن كان متصل عليها وما تبي صديقتها يحسون ؟
انفال والعزيمه كيف بكون العشا مع العم طلال ؟
الخال ابو عدنان وزياته لابو ضاري متى راح تكون الزياه وش بصير فيها ؟ ـــــ