قسيت

ولايهمج دووبه البارت بـ الطريق :)

حزن العيون

شاكره مرورج ياقلبووو وان شاءالله البارت جاي :)

الفـــــــصل التاســـــــع

00000 الجـــــــزء الاول 000000

فـــــــي بيت بو ضاري

وتحديدا فـــي غرفة عبدالله

كــــان الحماس والاكشن يثير شيء في النفس الاعب فهو بيده يكبس ازرار ليرى خصمه طريح
ارضه بدمائما لكن فجأه يقوم ويحارب من جديد قد يصيب ضربه ويبدي خصمه وقد يتفاجأ
بضربه اعنف من سابقتها 00هذه العبه تعتمد على التركيز وكبس الزر في الوقت المناسب
او ربما كبس ازرار كما يفعل العم طلال

طلال ( هو يناظر في الشاشه واصابعه كلها على ازرار الرموت تكبسهم دفعه واحده ) : ايوه
000 يالله 000يا سلام 000بعد وحده بعد ضربه00 حلوو
عبدالله ( ويشوف عمه طلال متحمس )) : عمي ما يكبسون على الازرار كلهم بعدين يتعطل الرموت
طلال ( ومازالت عينه على الشاشه واصابعه كلها على الازرار ) : لا ماراح يتعطل 00وبعدين هذي
العب العدل
عبدالله : لا عمي انت شوف المقاتل حقك يضرب في الهوا ومرا يقفز ومرا يرفع رجله صاير كانه مهرج
طلال ببتسامه : والله ما المهرج الا انت يا ولد اخوي 00الحين متى شفتني اعرف العب
ولا افهم حق هالعبه 000مناديني تبين العب معك 000وراك ما علمتني من البدايه
عبدالله ببراءه : فكرتك تعرف تلعب 00مثل ابوي واخوي ضاري
طلال : انا وين وهذي الالعاب وين 000يالله خليني اقوم
عبدالله : لا عمي اجلس اعلمك 000 (ويكمل عبدالله براءه )00 علشان بعدين تعرف تلعب مع اعيالك
طلال ويتأمل ملامح عبدالله وبتنهيده
طلال وهو يمسح على راس ولد اخوه : والله ما ظنتي بصير عندي اعيال 000يالله كمل لعبك
وانا بقوم اشوف بوضاري وين

طلال هو طالع من غرفة عبدالله00 هو ما دخلها الا علشان يرفه على نفسه شوي ويلهي نفسه
عن السالفه من كلم انفال هو في دوامه لا من جهة انفال يقدر يسوي شيء ولا من جهة شهاب
يقدر يسوي شي ما هو قادر يروح يصارح انفال ويقول لها ان شهاب مو موافق على الزواج
ولا قادر يرد على موكالمات شهاب الى من الظهر الى الان ما وقفت وهو كل شوي يعطيه مشغول
مو عارف وش يقوله يقول ان انفال رغبانه بهذا الزواج ومرتاحه وانقله الكلام الي قالته ولا اقوله
تصرف بنفسك وانا بشيل يدي من السالفه ولا اقوله توكل على الله وتزوج يمكن هذي الزواجه تطلع
زواجه صالحه مع معرفتي العميقه بشهاب والسطحيه بانفال والتوقعات الظاهره لهذا الزواج والله ما ظنتي ينجح 0000احسن شي اكلم ليلى يمكن تساعدني يمكن هي تشوف الموضوع من جانب
اكثر وضوحا 000مراح اكلمها بالجوال 00راح اروح لها البيت علشان ناخذ راحتنا في الكلام
هو الموضوع حساس يعني أي احد يسمع كلمه مني ولا مناك راح تصير كارشه مع اخواني
بوضاري وبو شهاب 000 الزواج عندهم ترابط عائلي اكثر من توافق شخصي


عند مدخل البيت شاف طلال ضاري
ضاري : ها عمي على فين
طلال ببتسامه : والله طالع شوي اشم هوا
ضاري : انت اليوم ما عندك دوام صح
طلال : أي صحيح ان شألله بكره بداوم العصر
ضاري : ترى اوبوي وعمي بوشهاب يسألون عنك من ساعه
طلال : ليه اخوي بوشهاب في المجلس مع بوضاري
ضاري : ايوه من بعد صلات العشا وهو هنا 00لانه راح مع ابوي المسجد وجا معه البيت
طلال : خليني اروح اسلم عليهم واجلس معهم الحين يقولون يوم اجازته وما جلس معنا كلا طالع
ضاري : وانا خليني اطلع شوي اشوف ربعي قبل لا يسأل عني ابوي 000اشغله عمي بالكلام علشان ما يسأل عني 00والله مليت من جلست الرجال 00ودي ارابع واجلس مع شباب من سني
طلال : هم الله يحفظهم اخوانا يبون الولد من يطلع من بطن امه يرافقهم في جلسات الرجال والشياب
ضاري : والله ما ادري متى نتحرر شوي من هذي العادات حقتهم 00ملينا
طلال ببتسامه : طيب انت روح شوف ربعك اخذ لكم كم لفه وتعشى وخل ابوك علي وان سأل عنك
انا اعرف شلون اصرفه
ضاري ويبادله الابتسامه : والله مشكور يا عمي 00خليني ادق عليهم قبل لا يبعدون اخليهم يمروني

فــــــي المجلس
كان العم بوشهاب وضاري يتناقشون بموضوع زواج انفال وشهاب
ودخلت طلال كانت قاطعه لهذه المناقشه ولكن اتسعت دائرة المناقشه من شخصين الى ثلاثه

طلال ببتسامه : الســــــــلام عليكم ورحمة الله وبركاته
العم بوضاري والعم بو شهاب : وعليكم السلام والرحمه
بوشهاب : زين شفناك 00وتذكرت ان عندك اخوان 00وجيت تسلم عليهم وتجلس معهم
طلال ( الله يكون بالعون بدينا الحين ) : عاد وش دعوه وانا اقدر انسى اخواني 00بس تدري
العمل 00ودوامه شوي مو ثابت 00 يعني مره العصر مره بالليل 00واجي من العمل تعبان
واحط راسي وانام
بوشهاب : انا كم مره اقولك وش لك بهذا العمل الي رزقه ثابت 00تعال اشتغل معنا بالشركه
وحرك فلوسك بمشروع
طلال ( كل ما اجيب طاري العمل ينعاد هذا الموال ) : لا وش لي انا بالتجاره والمشاريع ما افهم
شيء فيهم خليني 00 اشتغل شيء انا احبه ومتمكن منه احسن من احرق اعصابي بمشاريع مدري وش الي وراها
بوضاري : انت ما طلعت علينا طلعت 00عظمك طري وقلبك رهيف
بوشهاب : والله كل هذا من هذا الطب مدري التمريض 000ما ادري وشلون قبلنا يدرس في هذا المجال
طلال ( هذا الي خلاني اشتغل بالرياض بعد التخرج علشان ابعد شوي عن هذا الجو ) :
طلال ( وحب يغير الموضوع ) : شخبار العيال يا بو شهاب
بوشهاب : الحمدلله 000ذكرتنا كنا ننقاش موضوع خطوبت شهاب وانفال
انت وش رايك نخلي الملكه والزواج بعد سبوعين
طلال ( اسبوعين يا الظالمين ) : انت بتحددون الموعد وما بتاخذون راي شهاب وانفال
بوشهاب : ما اظن ان لهم راي بعد راينا

طلال فــــــــي خاطره وينك يا شهاب تعال اسمع 00انت في وادي تلعب في الوقت الضايع
وهم شكلهم احسمو المباراه 00جلسين يخططون وشلون يجبون الكاس 00ماعتقد ان صوتي الحين ولا تدخلي ينفع 00لا اكبر السالفه وادخل ليلى ومدري مين خليها تنحصر في اطار00 ودارا درا
ودار بعده ما درا 000خلنا نفرح بهذي الزواجه

بوضاري : لا لازم ناخذ رايهم لكن ما اعتقد ان بكون رايهم احسن من راينا
طلال : انا من راي ان تخلونها بعد شهر افضل علشان يمدي انفال تتجهز وبعد يمديهم يتهيأن
نفسيا
بوضاري : شهر 00راي سديد ونخلي الملكه ليلة ربوع والزواج ليلة خميس
بوشهاب (مع ان الوقت يحسه بعيد الا انه ما حب يعارض اخوانه ) : طيب
بوضاري ويناظر طلال : وانت يا طلال مو ناوي تكمل نص دينك وتتزوج
طلال كان احد رامي عليه قنبله
طلال برتباك وابتسامه تكاد تظهر : لا 00اقصد تو الناس علينا
بوشهاب : هذا شهاب الي هو اصغر منك بيتزوج 000وبكمل نص دينه 00 وانت وش الي ناقصك
تزوج انت وشهاب في ليله وحده
طلال ( مقصوب وليس برغبه منه ) : الله يهنيه 00ويوفقه 000 لا انا ما افكر بزواج الحين
الا بدخلت شهاب المجلس 000طلال حس براحه لما دخل شهاب علشان تتسكر السالفه
طلال ببتسامه : هلااااااا والله هلاااا بالمعرس
شهاب يطالع عمه من طرف عيونه وكانه يقول بنظراته يا هلا بالخاين والقدار يا بو جهين
شهاب قرب من عمه بو ضاري وباسه على راسه
شهاب : هلاا عمي كيف صحتك
بوضاري : انا بخير 00وطيب انت شخبارك 000 وكيف الشغل معك
شهاب وهو يجلس جنب ابوه : الحمدلله 00
بوشهاب وهو يناظر ولده ببتسامه : حددنا انا وعمك موعد الملكه والزواج ان شألله بعد شهر
شهاب ( قصدك يبا حددت موعد الجنازه )
شهاب وهو يناظر بعمه طلال نظر حاده : ان شألله 000
بوضاري : طلال وين ضاري ماجلس معنا 00قالي بروح شوي وما اشوفه رجع
طلال : ضاري 00انا طرشته يودي ثيابي الدوبي 00ويشتري لي شويت اغراض
بوضاري : أيوه 00 زين تسوي خله يصير رجال يعتمد عليه
بوضاري ويكلم شهاب : كيفك مع الشغل 00ان شألله مرتاح في المكتب الجديد
شهاب : الحمدلله 00خيرك سابق يا عمي
بوضاري : ابيك يا شهاب هذي الايام تشد شوي في الشغل وتشرف على العمال الي في المخازن لمن تحس انهم تعلمو اصول الشغل وتمكنو منه
طلال وهو قايم : يالله انا ماشي بروح عندي مشوار صغير 00عن اذنكم
بوضاري : اذنك معك 00بس دير بالك على الطريق
طلال هو طالع : ان شألله

طلال وهو يمشي في الممر بتثاقل ما يدري وين يروح ما عنده شيء يسويه يا شين يوم الاجازه
الواحده يحس انه بلا هدف ولا اتجاه ويسلم نفسه لدوامت الافكار وبحر الذكريات وقت الدوام الواحد يحس باهميته وان جالس يخدم بلده ويحقق شيء من ذاته ويخالط اصناف من الناس ويشوف حالات
ويحمد ربه على الوضع الي هو فيه 000والصحه والعافيه
ويسمع احد يهمس له من وراه عمي طلال
ويلتفت ويشوف شهاب عاقد حواجبه
شهاب بملامح حاده وصوت واطي يشبه الهمس : هذا الي بساعدني 00وشاد الظهر فيه
طلال ويصفق يده ببعض وكانه ينفضهم من شيء عالق فيهم : الموضوع خارج عن السيطره 00
شهاب : يعني ياعمي ما حاولت تسوي شيء
طلال : سويت من قال اني ما سويت 00كلمت انفال
شهاب : يعني كلمتها وقلت لها ان انا مو راضي بهذا الزواج 000طيب وش كان ردت فعلها
طلال ما حب يقوله ان هي اساسا رغبانه بهذا الزواج : مدري 000يالله انا ما شيء
شهاب : وين بتروح يا عمي وتخليني 000احس اني للحين مو متقبل هذا الزواج استحاله يصير
طلال : المشكله ان راح يصير000 المفروض انك تتقبل 00طيب وش رايك تكلم انفال بنفسك
شهاب متفاجأ : اكلمها بنفسي وش اقول لها
طلال : قولها الا بخاطرك وان انت مو راضي عن هذا الزواج
شهاب وما راقت له الفكر : لا 00لا 00ما اقدر اكلمها
طلال ببتسامه : خلاص 00ارفع رايت الاستسلام
شهاب : عمي 00
طلال : خليني اقولك شيء يا ولد اخوي قبل لا امشي00 تروح يمين تروح يسار تصعد فوق تنزل تحت
اذا اخواني حطو في راسهم شيء يصير يعني يصير وخاصه اخوي بو شهاب وانت ادرى لا تحاول انك تضغط على نفسك اكثر وتلح عليها انك ما تبي هذا الزواج بالعكس حاول تقنعها انها تتاقلم مع
فكرت الزواج 00وبعدين الزواج مو نهايت العالم
شهاب : بس هذي حياتي 00الزواج يعني عمر لقدام 00المفروض الواحد يعيشه بختياره
طلال ويمسك شهاب من يده : شكل السالفه معك بطول وش رايك نروح مقهى نشرب شيء ساخن
ونكمل كلامنا 000وقول كل الي عندك انا مستعد اسمعك لصبح 00قص لي قصة حياتك واحلامك وطموحك 000 بس انت امش معي نجلس في مكان

فـــــــي مكان على شاطىء البحــــــر

فــــي ظلمت الليل وتحت ضوء القمر وفي غمرت السكون وهدوء البحـــــر
كان امواجا من المشاعر تتلاطم في داخل مشاري يجسدها بخرابيش على ورق بقلمه
المبدع الذي يمكلك الفن في رسم المشاعر المبهمه وايضاح خطوط الفاصله بين صدقها وزيفها
بالوانا تعكس صورته في الوقت الحالي

دايم يذكرني الظلام..
الظلام اللي كثير..
يذكرني بخدك.. وضي جفنك
والوقت يمضي كبير..
وانا تحت ظلك..
ارتشف منك السراب
ويضيع حبي هباب..
وانا اتأملك.. لحظة تجي
يصبح وقتي صغير..


دايم هذا وجهي
ماعرفته غير تايه..
ينتظر منك لهفة..
ووقتي ناطر الموعد جفاف
يسولف لي عن غلاك
يمضي في ضيك ملاك..
وانا انصحه خل السهاف
ويعيد يبكي ضرير..


دايم انا اتذكرك
حتى مع صورتك
احضن بقايا حورتك..
أتأملك.. استحملك..
وشهو الغياب..
ووشهو انا غير العذاب..
اوقف على الضفة يمين..
يمكن عسى الله تجين
والأمل فالله كبير..


وانتظر..
والصباح وقته يحين..
وانا بمصباحي ادور
وعقلي يردد نشوتي
هو صاحبك ممكن يجور..
وانا اتخيلك.. واتأملك
يا الظلام اللي سكن همي
وارتحل وسط دمي..
ابسألك.. هو حلال
اللي يصير؟؟..
بتنهيده قويه من مشاري آه 00آه يا سجى قول لي هو حلال الي يصير هو حلال الي تسوينه فيني
لحظه يناظر دفتره ولحظه يناظر البحر يابحر قلي وشلون اراضيها قولي
وش اسوي لها احساسي انها زعلانه مني يضايقني يرسم داخلي ظلام
مثل ظلام الكون وسكونه في هذي الحظه عارف ان زعلها ثقيل بس ما
توقعت ان تصرفي راح يزعلها فيني شيء من الغيره سجى ما تحبها كيف اطفني هذا الشعور 000

جا صوت من الخلف يخترق كومت المشاعر التي تجول في خاطر مشاري

000: توقعت اني راح احصلك هنا
مشاري ويناظر وراه : عمي وافي
وافي : أيوه عمك وافي 00 وبعدين معاك انت 00 كل مره يصير شيء وضايقك جيت تجلس هنا في هذا الظلام
مشاري وهو يتأمل البحر : بالعكس لما اكون متضايق احس ان الظلام هو
الي يقوي الضي بداخلي وتوضح الرأيه فاقدر التمس المشاعر الي
تتصارع في نفسي واراجع حساباتي وكلما زاد احساسي بالظلام كلما قوى بصيص النور وكثرت الحلول
وافي ويجلس جنب مشاري : بعيد عن كلام الجواطر وفلسفة الذات حقتك الي تعطي اكثر من وجه خلنا نتكلم بكلمات من واقع الحياه يعني
كلمات عمليه من اول ما الانسان يسمعها يفهما مو كلماتك الي يبيلها تحليل 00انت الحين وش الي مضايقك
مشاري : انت تدري وش الي مضايقني
وافي :ادري 00بس مو جديد بس الغريب انك هذي المره مضخمها شوي يعني بالعاده اذا ازعلت على طول تراضيها
مشاري : لان ما توقعتها بتزعل
وافي : وهي ما توقعت منك هذي الغيره 000اخذها مني ترى سجى ما
تراضي احد بغض النظر عن من المفروض يزعل ومن المفروض يراضي الثاني 00لا تنتظر منها شيء 00لا تتعب نفسك وريح حالك وراضها
مشاري : المفروض انها تتعلم كيف تراضيني 00مو بيننا بكون حياه وعشرت عمر
وافي : لما تصير بينكم حياه حط لها اسس وقواعد تسيرها عليها 0000
تدري يا مشاري المشكله ان انت وسجى لكم نفس الطباع وهذا شيء
حلو لكن في الواقع ما يخدم علاقتكم يعني لو نفر ض ان
شخصين عايشين مع بعض واثنينهم عصبيين وحياتهم مع بعض استحاله
تستمر ولو فرضنا ان اثنين زعلوين بتنتهي الحياه بينهم ومحد فكر
يراضي الثاني وكل واحد ينتظر الثاني يراضيه يعني انا براي
ان حلو يكون توازن بين الشخصين يعني واحد عصبي وثاني بارد واحد زعول والثاني يراضيه
فانت لازم تعود نفسك من الحين على التنازل والمبادره 00هذا اذا كنت تبي تعيش مرتاح
مشاري ببتسامه : تصدق ياعمي 00حكيم
وافي ببتسامه : طول عمري اقوالي حكم 00بس محد يقدرني
مشاري : مع ان احيانا اشوفك متهور او فيك لمست جنون 00او مو عارف وش تبي
وافي : معاملتنا مع الحياه والمواقف ما لازم تكون كلها على خط واحد احيانا الانسان يحب يوطي
برجله بالنار بمحض اراتده علشان يحس بلهيبها لو ان كل تصرف بقوم فيه
بوزنه ما عشت لحظات وناسه كان عشت حياتي كلها جدي في معاملتي وما تركت لمشاعري مجال تحكمني في بعض المواقف

ويرن 0 جوال وافي ويناظر الشاشه ويبتسم
هذا عبدالرحمن المزعجاي خليني ارد عليه

وافي : هلااااااا وغلااااا هلااا مليون
عبدالرحمن : هلااااا بطيب 000عمي وينك
وافي : انا مع مشاري جالسين على البحر
عبدالرحمن : ايا الخونه تروحون تجلسون على البحر بدوني 00ما هقيتها منكم
وافي : كنا في اجتماع مغلق
عبدالرحمن : اجتماع مغلق وانا القفل وشلون تجي هذي
وافي : ههههههههههههه هههههههههه بدلناك الله يسلمك
عبدالرحمن : افاااا يا عمي استقنيتو عن خدماتي 000طيب وينكم بتحديد علشان اجيكم
وافي : لا تجي لان الحين حنا راح نقوم 00تعال لنا الجلسه عند الشباب
عبدالرحمن : طيب اجل انا اسبقكم هناك لان قريب من الجلسه
وافي : طيب 000فمان الله
وافي ويأشر على مشاري : يالله قوم خلنا نروح نوسع صدورنا مع الشباب
مشاري وهو يقوم وينفض ثوبه بيده : تتوقع يا عمي الحين في محل ورد فاتح
وافي ببتسامه وفهم نواي مشاري : في محل واحد اذكر ان دائما اشوفه فاتح لهذا الوقت هو المحل الي جنب البنك من جهت بيت عمتك القديم اذا تتذكره
مشاري : اهااا تذكرته 000 بمر الحين اشوف اذا فاتح ولا لا وان شألله يكون فاتح
وافي : يعني ما راح تروح معي الجلسه
مشاري : لا ما اعتقد ما لي خلق فوضت الشباب وضحكهم وبعدين بكره عندي دوام من الصباح مو مثل بعض الناس ( ويقصد وافي بكلامه ) اسبوعين دوام متواصل واسبوعين هياته في الشوارع ونوم واكل
وافي ببتسامه : هذا الحلو في دوامي 000هو يحصلك مثل هذا الدوام على قولت المثل الي ما يطول العنب حامضا عنه يقول
مشاري : ما في امل يصير دوامي مثل دوامك
وافي : شكلي حتى انا ماراح اروح عند الشباب بروح البيت انام من زمان
ما نمت على سرير حالي حال بقيت الخلق 0000وبنكب في عبدالرحمن
مشاري : انت الله يهداك يا عمي ملخبط روحك مره تنام بمجلس بيت صاحبك ومره تكور نفسك على الكنب
بصاله حقتنا او صالت بيت عمي الي يشوفك يقول ما عنده بيت وسرير ينام عليه
وافي : ما احب انام على سرير كاني واحد عاقل وبعدين اذا نمت في السرير اطول في النومه وما اقوم من النوم وبكره لازم ابي اروح المستشفى بدري
ركب وافي سيارته ومشاري ركب سيارته مشو السيارتين ورى بعض على الطريق العام وبعد
الاشاره كل واحد راح في طريق الي يوصله لمقصده مشاري راح محل الورد وكله رجا ان المحل
يكون فاتح 000وافي كان ناوي يروح البيت ينام على سريره حاله حال العالم لكنه لما تذكر ان بكره
في مستشفى واحتمال يشوف دلال 00قرر يروح بيت اخوه بو تركي ويتكور على كنب الصاله علشان بكره يجلس بدري ويروح المستشفى 00لان اذا راح البيت راح ينام نومه مطوله
ويمكن ما يصحى منها الى بكره المغرب 00بعد هناك ما في احد يصحيه على الاقل في بيت بوتركي في
الدب القطبي اقوله يجلسني الساعه ثلاث بطرقه هلي تحرق الاعصاب

فـــــــي اليوم التالي على الساعه 9 الصباح

انفتح باب غرفة سجى ببطأ ودخل شخص بخفه وخطوات مرسومه الى جانب السرير حط شيء
على الطاوله الي جنب السرير وطلع من الغرفه بهدوء وسكر خلفه الباب

فــــي سيارت مشــــاري

كان مشاري خلف المقود السياره الي واقفه امام بيت عمه بو تركي يتفحص بنظراته من خلف
عدسات النظاره الشمسيه باب بيت بو تركي ينتظر احد يطلع منه
لما شاف اخته افتحت الباب وجات مسرعه لسيارة علطول شغل السياره
مشاري ببتسامه وهو يناظر اخته ليلى الي توه راكبه السياره : وش سويتي
ليلى : مثل ما طلبت 00دخلت غرفة سجى بهدوء وحطيت باقة الورد جنب السرير وطلعت بهدوء
مشاري : ما شافك احد وانت تدخلين البيت وانتي تطلعين منه
ليلى : لا 00ما في الا الشغاله هي الي افتحت لي الباب وشفت عمي وافي نايم بالصاله وسألت الشغاله وين عمي ومرته تقول باب روح مزوعه وماما في مستشفى
مشاري : حلوووو 00طيب تأكدتي ان الرساله موجوده في الباقه وانت تحطينها
ليلى : ايوه 0000انا الحين سويت الي علي وين المقابل الي وعدتني فيه
مشاري ببتسامه : اختي واعرفك عدل ما تنسين شيء ولا تتنازلين ان شألله اليوم و انا راح المستشفى
اخذك معي نمر السوق تخذين الي تبينه
ليلى : الله يكثر الزعل 00علشان يدر الخير علينا
مشاري : هههههههههههههه هههههههه مصائب قوما عند قوما فوائده
ههههههههههه الله يقطع بيسك
بس قولي ان شألله ترضى علينا ويحن قلبها ويروح الزعل ورى الشمس

علـــــــي ساعه 2 ونص الظهر

وفي غرفة سجى

لا أمتلك الصوت الذي يوصل بحروفي إلى مدى بعيد يشرح عن ضميري أو يشفي غليلي ويركض لسماء الآخرين بحثا عن نتائج.. عن حقائق.. عن آفاق لها صدى في أنفس القلم وسحر الليل وشرود الذهن..
هكذا أصبح قلبي طفلا لا تجد لمأواه سوى الكينونة ، ولا تشبعه في الكينونة سوى ألوان الرسالة لبيان معالم الوجوه التي تنير قوس الحياة..
هكذا يظل الطفل هائما.. مستميتا لدى كون يحمل الماء والهواء ومع انفاسه يتربع على جوانح السمر والجمال وقمرين يؤنسا ليلة الخامس عشر من كل شهر قمري ووردتين في الصباح تنعش روائح الفجر المتآلم والوقت السموح المحب لأن يكون سمونا بطابع الحب الخالص بمناظير الحقيقة والطفولة.. ((صباحك سكر))


ببتسامه حالمه اعادت سجى قرائت الرساله للمرا الخامسه بعد ان ضمتها الى صدرها للمره العاشره
وطبعت قبله على سطحها للمره الثانيه عشر لا تمر من كلماته وفي كل مره تقرا الرساله تصل اليها
احاسيس اعمق من الاحاسيس التي وصلت في اول مره قرات بها سطوره لان اول مره تقرا فيها الرساله
يكون بداخلها مشاعر الفرح طاقيه فتقراها وهي غير مدرك لمحتوها وانما فرحه برساله
والمره الثانيه تفكر باحساسه هو وهو يكتب هذه الكلمات والمره الثالثه تكون القراه بطيأه لتصل اليها
المشاعر التي صاقها فيها والمره الرابعه تكون احلى لانها وصلت الى داخلها وتغلغلت في اعماقها
والمره الخامسه لتراقب روعة الكلمات المختاره والاسلوب الراقي من انسان مرهف الاحساس فبل
انت يكون هو من عشقته واحبته

وضعت سجى الرساله في ظرفها ولتفتت الى باقة الورد التي حمل بداخلها الرساله رفعت باقة الورد
بيدها وضعتها في حظنها واخذت تمرر اصابعها على ورق الورد بنعومه وبسرعه اخذت ورده وكسرتها من ساقها وقربتها الى وجها وداعبت بها انفها الصغير ببتسامه
لاحظت بطاقه صغيره معلقه بين وردتين في الباقه اخذتها ورفعتها وببتسامه قرات ما كتب عليها

لا تبيـــــع الي على قلبك يغـــار
والي لو تزعل بعمره يفـــــتديك
هــــــــذا حالي يا ســــــجى قلبـي نار
لا تبيــــــع الود 000وعمـــري يحتــويك

فــــــي الطابق التحتي

كان حمد يحوس بالمطبخ يدور شيء ياكله
الواحد جالس من النوم جوعان ما يحصل شيء ياكله والاخت سجى وش فايدتها المفروض ان هي تطبخ لنا غدا
في غياب امي صحيح ان طباخها اقل مستوى من طباخ امي بس المهم يسد الجوع الي يحتويني 00يالله الحين وش اكل
عبدالرحمن ويدخل المطبخ : حمد 000من وين طالعه الشمس اليوم جالس مبكر مو بالعاده
حمد : والله ضايق صدري ما نمت عدل قلت اقوم ازين لي
عبدالرحمن : وشفيك معصب
حمد وعاقد حواجبه : والله ادور على شيء اكله ما ني شايف شيء
عبدالرحمن : بسيطه صلح لك بريد وجبن
حمد : عاد بالله عليك هذا تسميه اكل
عبدالرحمن : خلاص خلنا ندق على المطعم ونطلب
حمد : امرنا لله المطعم المطعم مع انه بطول على ما يوصل الطلب بس احسن من اترجا احد يطبخ لي
عبدالرحمن وهو يمشي ورى حمد الا طالع من المطبخ ومتجه الى الصاله : انت يا اخ00 ليه ما شرفت حظرت الى الان المستشفى
حمد : ما لي خلق مستشفيات
عبدالرحمن : يعني الحين تشوفنا حنا ميتين على المستشفيات 000ترى اخوي تركي امس سأل عنك
حس على دمت شوي ورح زور مرت اخوك على الاقل علشان خاطر اخوك تركي
حمد بلا مباله هو يجلس على كنب الصاله : افكر
عبدالرحمن هو يجلس جنبه : ترى احيانا انت ترفع الضغط 00هذي ما يبيلها تفكير اليوم ابي اشوفك
مشرف ومورهم فيسك الحلوو في المستشفى وتتحمد لبنت عمك السلامه
حمد : اذا قدرت اليوم امر العصر
عبدالرحمن : تعال معي اليوم 000لاني ما ادري وش اقول لامي واخوي اذا سألوني عنك اقولهم
مشغول 00ولا الكتاب ما يفارقه 00من زود المذاكر هذي الايام
حمد : لا خلاص انا امر العصر لحالي بسرعه وانا رايح النادي
عبدالرحمن : ولا تنسى يا ولد الاصول تودي معك باقة ورد ولا سلت شكلاته 00خل عندك ذوق
وفرح اخوك بزياتك واهتمامك
حمد وهو يشغل التلفزيون : طيب اوامر ثانيه اخ عبدالرحمن 00عبدالرحمن دق على المطعم وطلب لنا غدا
وافي كان نايم على الكنب الي بالصاله وكان يسمع كلام حمد وعبدالرحمن لكنه ما حب يفتح عيونه
بس لما سمع ان في السالفه مطعم واكل فتح عيونه خليني اقوم الحين يفكروني نايم وما يحسبوني معهم
في الغدا وانا جوعان 00اجلس بعدين واشوفهم يا كلون و اطر منهم القمه
وافي وهو يعدل جلسته على الكنب : عبدالرحمن لا تنساني في الطلب
حمد : بسم الله الرحمن الرحيم 000حق بطنك قمت من النوم
وافي : لا مو حق بطني ليش شايفني مثل اخوك عبدالرحمن احب بطني بس كنت صاحي وقمت
عبدالرحمن : خلاص دامك ما تحب بطنك ما راح نطلب لك
وافي : تحاسبوني على الكلمه الي اقولها ياخي صاحي من النوم احب بطني ولا مااحبه
شيء راجع لي انت اطلب لي 00وانت ساكت
وافي وهو يناظر حمد ويأشر له : اقول حمد قوم جيب لي كاس ماي
حمد : اقول عمي قايم بقوه 00تهزيء وطلبات
سجى هي نازله على الدرج بدلع وكانت فاله شعرها ولابسه برموده وردي مع بلوزه بيضه وفيها رسمه
ورديه في الوسط ومبين عليها الرواقه شافت اخوها حمد داخل المطبخ ودخلت وراه
سجى ببتسامه : حمد اليوم مغير في توقيت الجلوس من النوم جالس بدري بملأ ارادته ولا احد مزلزلك من النوم
حمد : لا والله بملأ ارادتي على قولك بس ياريتني ما جلست
سجى : ليه
حمد : يعني اجلس وش اسوي ما غير اقابل اخوك وعمك 00الي من يشوفوني يا تهزيء يا نصائح ولا طلبات
سجى وهي تجلس على الكرسي الي بالمطبخ : اليوم ما في غدا
حمد : المفروض ان يكون في غدا بس لما الاخت سجى تتكرم علينا وتطبخ وبس دام انها ما عندها حس المسأليه
بنقضيها هذي الايام اكل مطاعم لمن الله يفرجها وترجع امي
سجى وهي تلعب بشعرها : وش فيها اكل المطاعم ما في احلى منها يعني الي يسمعك يقول متعود على اكل البيت
ولا من كثر جلستك مع الاهل على السفره في وقت الفطور ولا الغدا والعشا اكل من اكل المطاعم هي راح تخرب الدنيا
حمد : هذا الي راح يصير 00ترى عبدالرحمن طلب لنا اذا تين روحي قول له يطلب لك منا
سجى : لا ما ني مشتهيه اكل 000بقوم اسوي لي عصير برتقال

فــــــــي المستشــــفى وعلى الساعه 3 ونص

كنت حالت ناديه افضل من امس وهذا الي خلا تركي يرتاح خاصه لما شافها فتحت عينها وناظرت فيه
تركي وهو يقرب من ناديه وبوسها على جبهتها
تركي ببتسامه : الحمدلله على سلامتك
ناديه وتحاول تبتسم : الله يسلمك
ناديه بصوت واطي : تركي
تركي وهو يقرب منها علشان يسمعها عدل : اعيون تركي وحياته
ناديه : تركي ارفعني شوي وعدل لي المخده وسندني عليها مليت من حالتي كذا ودي اشوفكم عدل
تركي وهو يعدل المخده علشان يرفعها : طيب بس شوي
ناديه وهي تحاول تتفادا الم الجراحه الي حسته لما حاولت تتحرك ورفعا تركي ورتاحت لما اسندها
ناديه بصوت واطي وتهمس لتركي : تركي ارفع لي شعري احسه يضايقني
تركي ببتسامه : طيب
ناديه بصوت واطي : تركي وين رشا حبيبتي
تركي ببتسامه : اليوم مريت عليها وخذيتها وديتها عند عمتي ام سامي تراعيها لان محد يدارها في البيت
وما اقدر اجيها معي مع انها جلست تصيح اليوم تبي تجي قلت لها ان شألله بكره بجيها عندك
كانت ام تركي وام مشاري جالسين على الكنب يراقبونهم
ام تركي : الله يعوضهم ان شألله خير
ام مشاري : امين 00ويجعل المحبه بيهم تدوم
ام تركي : أي والله من امس هو ما نام جالس ينتظرها تفتح عينها علشان يطمن عليها
ام مشاري : والله تركي مافي مثله 00الله يخليه لها
ام تركي : امين 000ان شألله نشوف هذي المحبه بين سجى ومشاري مستقبلا
كانت سجى جالسه بالقرب منهم وسمعت كلامهم ويوم سمعت امها تقول ان شألله نشوف هذي المحبه
بين سجى ومشاري مستقبلا 000قالت بقلبها وبصادق شعور امــــــــين الله يسمع منك يما وازيد من هذي المحبه بعد
في احد كان يطرق على باب الغرفه
سجى : هذا اكيد اخوي حمد لان تو مكلمني يقول انه وصل تركي عدل الغطى حق ناديه
تركي بعد ما عدل الغطى راح يفتح الباب لحمد
حمد وهو يبوس تركي : السلام عليكم 000هلاا باخوي شخبارك
تركي فرح لما شاف اخو واستغرب لما شافه حامل بيده باقة ورد والله وتعرف الاتكيت يا حمد
وصرت تعرف وشلون توجب الناس بس شعور الاستغراب تحول الى فرح بشوف اخوه
حمد : الحمدلله على السلامه
تركي هو يمسك حمد ويدخله معه الغرفه : ادخل سلم على امك ومرت عمك ومرت اخوك وتحمد لهم بالسلامه
حمد ببتسامه : شخبارك مرت اخوي ان شألله الحين اطيب من امس والحمدلله على سلامتك وما تشوفين شر
تركي وهو يضرب على ظهر اخوه حمد : اجلس وش فيك واقف
حمد : لا والله بمشي مستعجل
تركي : اجلس شوي معنا 00 يما انا طالع شوي وراجع طيب
ام تركي : طيب 000سجى قومي شيلي الباقه من عند اخوك وحطيه على الطاوله وانت يا ولدي يا حمد شخبارك
حمد : والله طيب يما
ام مشاري : وشلونك يا ولد يا حمد
حمد : مين مرت عمي والله ما عرفتك 000 انا طيب انت شخبارك وشلون العيال ان شألله طيبين وشلون عمي بو مشاري ان شالله بخير
ام مشاري : الحمدلله 00الله يسلمك
سجى استغربت من درابت اخوها حمد اول مره تشوفه بهذي الاخواء ويعرف يصف كلام ويسأل عن الاخبار
وصار متماسك بوقفته وجلسته وحركاته وتصرفاته وصاير صوته اكثر جديه صحيح ان المواقف تكشف لك مدى قدرت الشخص على التعامل معه ودخلو في اجواءها
ويرن جوال سجى وكانت ميلاف هي الي متصله
سجى ببتسامه : هلااا وغلاااا
ميلاف : هلااااا سجوي
سجى : ها وصلتي
ميلاف : ايوه بس ما بعد اصعد 00طيب في احد بالغرفه غريب (( واتمنى ان يكون عبدالرحمن او وافي موجودين ))
سجى : لا تطمني ما في احد غريب ما في الا اخوي حمد الحين بيطلع
ميلاف ( بعد عندها اخو غير عبدالرحمن والله وناسه ) : عندك بعد اخو غير عبدالرحمن
سجى : ايوه 000هذا اصغر واحد 00الحين هو طالع من الغرفه 00يالله تعال قبل لا يجي
تركي ولا عمي وافي
ميلاف ( ابركها من ساعه لو يجي وافي ) : طيب
كانت ميلاف واقفه اخر الممر عند المصعد تناظر الغرفه من بعيد تبي تشوف حمد اخو سجى
وهو طالع يمكن يعجبها لما طلع شافته بس كان شوي بعيد وناظرته لما قرب من المكان الي هي واقفه فيه
والله حلووو لكن عبدالرحمن احلى بكثير شكله توه حتى شنب ما طلع له الى خفيف
خليني اتحرش فيه دام انه واصل قريب مني
ميلاف بدلع : لو سمحت
حمد على طول التفت عليها وناظرها ببتسامه حلووه : امري 00تدللي
ميلاف ( شكله هذا غير عنهم بايعها ) : لا 00 بس بقيت اسأل هذا أي طابق
حمد ( فهمها على الطاير00 عنده خبره بحركات البنات اذا كانو يبون يطيحون لهم واحد او يتحرشون
باحد اساسا مبين من دلعها ونظراتها ) ببتسامه وياشر على لوحه كانت فوق المصعد مكتوب عليها
طابق رقم 2 حمد ببتسامه : هذا طابق الثاني
ميلاف : يوه يعني غلطت في الطابق 000 ( وتضغط على زر المصعد )
ولا واحد من المصعدين جا فضل حمد واقف وميلاف واقفه بالقرب منه يتبادلون النظرات
حمد في خاطره وهو يناظرها 00والله ما كنت ادري ان المستشفيات يجون فيها بنات حلوين ولاطه
زي الي واقفه جنبي كان أي احد اعرفه مريض في المستشفى اجي ازوره يمكن التقي بمثل هذا الملاك الي واقف يناظرني

ميلاف وهي تناظر حمد والله مش بطال مع ان مبين ان اصغر مني اذكر مره قالت لي صديقتي اذا خاويتي
واحد اصغر منك وخليته يتعلق فيك يجب لك كل الي تبينهم حتى لو طلبتي نجم سهيل ويكون
مندفع ومتهور واي شيء تقولينه له يصدق توه صغير ما عنده خبره بهذي السوالف تقولين له روح يمين يروح
يمين تقولين له روح يسار يروح يسار يطبعك 00مدري كلامها مضبوط ولا لا
وبين على حمد بسرعه يتعلق وينلعب عليه يعني عن طريقه اقدر اوصل لاخوه عبدالرحمن
احسن من اركض ورى سجى يعني امامي طريقين طريق كله لفات وطريف مستقيم الا الهدف مباشره
والطريق الثاني اسهل ولو ان فيه شوي صعوبه في البدايه 000طيب متى يحس ويعطيني الرقم يقول شيء 00قبل لا يوصل المصعد

كانت ميلاف ما سكه جوالها في يدها قفلت من سجى ومسكته في يدها ما حطته في الشنطه
حمد وهو يناظر في ميلاف شاف جوالها في يدها طلع جواله من مخبات الثوب
وفتح بلوتوثه وسو بحث وشاف نك نيم ( اميرة الشرقيه ) ما في الا هي
رسل لها بعد ما رسل لها عطاها نظره بمعناتها استقبلي بلوتوث

ميلاف على طول فهمت هذي النظره وستقبلت وظلت تناظر في جوالها تشوف وش راسل
لما وصلت الرساله على طول افتحتها وشافت صورة قلب مو المهم الصوره المهم الرقم الي على الصوره
ارفعت عينها وناظرت حمد
صوت المصعد وهو يوصل وينفتح الباب
قبل لايدخل حمد المصعد ناظرها وببتسامه قال لها وهو داخل المصعد : انتظر منك اتصال

فـــــي الدور الارضي للمستشفى

كانت دلال توها داخله ومحتاره وين تروح المشكله انها نست رقم الغرفه هذي محلوله بدق على سجى
وتقول لي بس وين المصعد ما ني شايفه مصعد دلال وهي تناظر الناس00 الي يتألم وهي يمشي على عكاز00
والله عايشين حياتنا ما ندري من الي يصير له حادث ومن الي يمرض ولما نجي المستشفى نشوف حالات خليني اسأل أي احد
هي في حاله من الضياع وسرحانه تفكر مين تسأل
وتحس ان في احد يمسكها ويوقفها وتلتفت بقوه
انصدمت لما شافت هاذيك الملامح الي تدور حولينها الف استفهام واستفهام ذاك الشخص الي يحمل
الهويه المجهوله والتعابير الاكثر قرابه لكن هذي المره شافت ملامح اكثر هدوء ووجه اكثر اشراقه
وهي ما تفاجات بشوفته كثر ما تفاجات بصدور منه نفس الحركه الي صدرت منه لما شافها اول مره
اطال النظر فيها وببتسامه طلال : انا اسف هذي ثاني مره نلتقي فيها
دلال ما تكلمت وما تبي تتكلم بس تنتظر وش راح يقول
كان وافي بهذي الحظه داخل من الباب الرئيسي مروق ومبسوط لان جا شوي مبكره وكله امل مو بس امل الا امل انه يشوفها
وتفاجا لما شافها هي هي اول ما دخل من الباب تمشي وفرح بس لما وشاف طلال لما قرب منها ومسكها ولتفت عليه على طول اتجه جهتها مسرع بدون تفكير
وحس ان لازم يتصرف كأن احد تعدا على شيء هو ملكه وخاص فيه
بسرعه قرب من طلال ومسك يده بقوه وبتهور
وافي : هـــــــــــــي 00انتــــــــ

وش راح يكون رد فعل طلال من تصرف وافي ؟
والاهم رد فعل دلال كيف راح تكون من تصرف وافي ؟
وافي كيف راح يبرر تصرفه ؟
ميلاف وتغير الخطه المرسومه انتقل مصدر تحصيل المعلومات من سجى الى حمد ؟