************************************************** ********** ************************************************** ******


>>>>>>>>الجزء الثلاثون<<<<<<<<
-الاخـــــير-

"مـــا الـنـــهــــ قبل ــــــــايه"



كان قاعد على سور البحر ويطالعه بكل هدووء يتذكر كل لحظه مرت عليه هنا مع حبيبة قلبه هديل لاكن هالمره غير جاء للبحر لوحده من دون موعد معها قلبه يعتصر من الالم عشاق وفارق معشوقه مو قادر يعبر عن الي بداخله الكلمه الوحيده الي ممكن توصف فيصل انه "حــــزيــــــن"....

حس بايد على كتفه التفتت ببرود وشاف سلطان ما قاله شي رجع وطالع البحر...

سلطان(حاس بحزن صديقه بس مو قادر يخفف عنه):فيصل صارلك 3ايام وانت هنا ارجع البيت امك تسال عنك
فيصل(بصوت مبحوح من البكي):اذا فارقت هالمكان يعني فارقتها مو كافيه راحت مني(ودموعه تنزل) خلوني مع البحر هي كانت تحبه يمكن اكثر مني بعد
سلطان:البحر بيرجع لك هديل؟
فيصل(طالعه فيه مستغرب):خلني يا سلطان خلني بلي انا فيه الله وحده يعلم بالي في قلبي
سلطان:ندمان؟
فيصل(ابتسم بسخريه):ندمان قول متحسر الندم بياكلني انا حقير ونذل شلون قلت عنها خاينه هديل هديل خيانه شلون طرت على بالي الفكره الله يلعنها من ساعه يوم رحت السوبر ماركت حبكت ذاك اليوم اشتري اغراض يالتها خانتني مليون مره ولا راحت وخلتني يا ليت
سلطان:خلاص فيصل كافي الي تسويه بنفسك مو زين بتمرض
فيصل:اااااه يا سلطان لو اقعد اشرحلك من اليوم لين عشرين سنه باللي احس فيه ما راح اوفى,هذي هديل روحي وحياتي كلها هي تقول ما اتخيل حياتي من دونك شلون تبيني اعيش بدونها شلــــون جاوبني شلون؟؟
سلطان:خلاص يا فيصل ربي كتب عليك تروح وتشوفها وكتب عليها المرض وكتب لها تموت كان يومها
فيصل(بنكران):لا ما كان يومها المرض عجل بموتها
سلطان:استغفر ربك وش فيك خلك فيصل القوي الي اعرفه ما في شي يهزه لو هديل كانت موجوده ما رضت بالي تقولي
فيصل(تنهد بقوه):لو يا كثر ماقلت لو لو بس اقدر ارجع الزمن لورى لو بس لحظه كان غيرت كل شي كان قلت لها احبك احبك هديل لا تخليني لو ما اهمتيت لكرامتي كان ساعدتها على مرضها كانت بتتحمل عشاني لو لوبس اااااه خلني يا سلطان بهمي خلني

سلطان ماعرف شيسوي فيه شنو يقوله اكتفى بانه يتنهد وخليه يبكي يمكن الدموع تريحه....
تذكر سلطان الشي الي كان جايبه لفيصل....

سلطان:فيصل جايب لك شي وابيك تشوفه

فيصل لف عليه وانصدم لما شاف الي قدامه كان زياد....

فيصل(معصب):انت وش جابك مو كافيه الا سويته؟
زياد:فيصل انا....
فيصل:انت جب ولا كلمه انا لو ما شفتك معها كان ماصار الي صار
زياد:فيصل هديل ماتت الله يرحمها هذا يومها
سلطان(وهو يبعد فيصل عن زياد):زياد خلاص روح الحين
فيصل(وهو يبعد سلطان عنه):وين تروح

قرب فيصل عند زياد وقام يخنقه....

فيصل:باخذ روحك مثل ما خذت روحها مني
سلطان(باقوى ما عنده يحاول يبعده):فيصل انت مو صاحي وخر عنه بتموته

بعد اخيرا زياد عن فيصل ولولا وجود سلطان كان زياد مات بين ايدين فيصل...

سلطان(وهو يمسك فيصل):زياد انت روح السياره
فيصل:خله ابي اذبحه
سلطان(مسك فيصل من ذراعه وهزه بقوه):فيصل اصحي من الي انت فيه
فيصل:وخر عني

ماحس فيصل الا بكف على خده قوي خلها يصحى من الي هو فيه...
طالعه فيصل بذهول من تصرفه وفجاه حط ايده على كتف سلطان وبكي بطريقه تقطع القلب,سلطان كسر خاطره فيصل وعرف انها الطريقه الوحيده الي بتخليه يصى...

سلطان(وهي يحضن فيصل):خلاص يا فيصل انت اخوي الي ما جابته امي وانا ما ارضى اشوف اخوي يبكي
فيصل:راحت مني راحت مني يا سلطان
سلطان:معليش انت توك مصدوم بس مع الايام بتنسها
فيصل:انسى شنو عمري ولا روحي ولا نفسي شنو انسى

بعد عنه فيصل وراح عند البحر وظل يطالعه وهو يبكي بمراره...

فيصل:الا سلطان انت وش جابك السعوديه؟
سلطان:ههه توك تسال عموما انا عندي شغله مهمه لازم اسويها

فيصل طالع فيه مستغرب شنو هالشغله الي تجيب سلطان من اسبانيا للسعوديه....


************************************************** ********** ************************************************


في مستشفى الطب النفسي قامت مشاعل من النوم بكسل اول ما افتحت تفاجات بلي شافته كانت الغرفه مليانه ورد احمر فكرت نفسها تحلم وتو ما صحت ....

رمشت بعيونها اكثر من رمره تستعوب الي تشوفه فجاه انطق الباب ودخلت الممرضه....

الممرضه:صح النوم

مشاعل طالعت فيها مستغربه وكأنها تسالها من جاب الورد....

الممرضه(فهمت قصدها):بصراحه الكل حسدك على الورد قلت من هذا المعجب الي يرسل محل ورد كامل بس لا تخافين ما راح احسدك,والكرت جمك على الطاوله....

التفت مشاعل للكرت على الطواله مدت يدها وخذته ....

تذكري دائما ان الامل هو نبراس الحياه
وهو النور الذي يضئ الدروب
واجعلي الابتسامه هي سعادتك في الحياه...
توقومين انشا ءلله بالسلامه...
عاشق اسبانيا....

ابتسمت مشاعل على كلامه ورجعت الكرت على الطاوله مسكت ورده كانت جمبها على المخده شمتها وجلست تتأمل فيها....

مشاعل(بهدووء):مين حط الورده على المخده انتي؟
الممرضه:لا الي جاب الورد دخل و وزع الورد بنفسه انتي عرفتيه؟
مشاعل:عاشق اسبانيا

الممرضه طالعت فيها مستغربه من الاسم مشاعل طالعت فيها وضحكت لاول مره من جت المستشفى....

الممرضه:الحمد الله ضحكتي المره الجايه اذا شفته بقوله يجيب ورد
مشاعل(باستغراب):ليه هو يجي كل يوم؟
الممرضه:لا هو جاء بس اليوم لاكن في واحد ثاني يجي كل يوم
مشاعل:مين؟
الممرضه:واحد اسمه راشد يجي بس انتي تكونين نايمه يجلس عندك لما ما يكون ابوك موجود ولما احد يقوله ان مافي فايده من قعدته مايرد يجلس ساكت ويطالع فيك طول الوقت

مشاعل سكتت ولفت وجها للجهه الثانيه....

الممرضه:ما تحبينه؟
مشاعل:من قال؟
الممرضه:شكلك يبين اول ما جبت سيرته تنكدتي
مشاعل:لا مو كذا بس
الممرضه:شوفي المفروض انا ما ادخل بس انا ارتحت لك ودخلتي قلبي ولازم اقولك في حالتك مو زين تسكتين اقصد قولي كل الي بخاطرك حتى لو كان شي يزعل
مشاعل:حتى انا ما اعرفك بس مثل ما قلتي دخلتي قلبي وبقولك الصراحه شفتي عاشق اسبانيا
الممرضه:شفيه؟
مشاعل:هذا اسمه سلطان تعرفت عليه لما سافرت اسبانيا كنت معجبه فيه بس الحين لا والظاهر انه للحين معجب فيني او يحبني
الممرضه:وهذا الي اسمه راشد؟
مشاعل:راشد يحبني وانا....
الممرضه:ما تحبينه؟
مشاعل:لا احبه بس انا ....مو عارفه شلون اعبر
الممرضه:فهمت فهمت تقصدين ان راشد كان موجود او كان سبب من الاسباب من الي خلاك تكتئبين وانتي ما تبين ترجعين له عشان ما تذكرين الاكتئاب

مشاعل هزت راسه بمعنى ايه....

الممرضه:تبين رايي؟
مشاعل:اكيد قوليه
الممرضه:انتي الحين لاتفكرين بشي انتي جايه تتعالجين لما تحسين ان عقلك صافي وتتقدرين تتقرين بعدين تكلمي

مشاعل اقتنعت بكلام الممرضه مع انها ما تعرفها بس الكلام مهما كان حلو اذا ما طلع من القلب ما يدخل القلب وكلام الممرضه كان طالع من كل قلبها عشان كذا دخل قلب مشاعل

في اليوم الثاني كانت شوق جالسه على الكرسي الهزاز وطالع التلفزيون بملل سمعت طق باب غرفتها ولما انفتح الباب كانت امها اكتفت شوق بأنها تبتسم لها.....

ام ناصر:صباح الخير
شوق:صباح النور ماما
ام ناصر(وهي تمسح على شعرها):فيك شي حبيبتي؟
شوق:لا مافي شي
ام ناصر:اجل ليه ما صرتي تطلعين ولا تنزلين تحت الا وقت الاكل ابوك سال عنك
شوق(ابتسمت على ذكرى ابوها):شخبار بابا؟
ام ناصر:تبين تعرفين اخباره انزلي تحت وساليه
شوق:مو الحين وقت ثاني
ام ناصر:طيب تعالي معاي
شوق:على وين؟
ام ناصر:المشغل
شوق:ليه؟
ام ناصر:اقولك ما تدرين عن الدنيا اليوم زواج اخوانك
شوق:والله الف مبروك
ام ناصر:الله يبارك فيك بس ابيك تروحين وتسمعينهم بنفسك وتجين العرس وتقولينها لكل الناس
شوق:مالي خلق والحين اروح وابارك لهم ورحاب بدق عليها
ام ناصر:شلون ما تجين عرس اخوانك؟
شوق:ماما تكفين اذا ما تبين انكد عليك عرس عيالك خليني بالبيت
ام ناصر:خلاص على راحتك بس تقعدين لوحدك؟
شوق:عادي تعودت على الوحده وبعدين شنو بيصر لي (بفقد شنو عذريتي ولا حياتي ولا كرامتي الي انداست) روحي ماما ما راح يصير لي شي
ام ناصر(وهي تبوسها على راس شوق):الله يهديك انتبهي على نفسك

شوق لما باستها امها راسها نزلت دمعه من عيونها .....

شوق:ماما
ام ناصر:هلا حبيبتي
شوق(ركضت لها وحطت يدها على كتفها ودمعه محبوسه بعيونها):ماما انتي راضيه على؟
ام ناصر:ليه تسالين هالسؤال؟
شوق:لاني سمعت ام هديل لما ماتت تقول انها راضيه عليها ليوم الدين انتي راضيه عني؟
ام ناصر(قلبها حن على بنتها وردت عليها بكل حنان وحب الام):راضيه عليك دنيا واخره

شوق اول ما سمعت هالكلام من امها ارتمت في حضنها وبكت تطلع القهر الي فيها ودها تقول لامها كل شي بس مو قادره تنطق بحرف كأنها تنضرب بسوط ومو مسموح لها تقول حتى الاه....

شوق:تدرين هاللحظه ما اتمنى شي الي اني ابقى بحضنك انت الشي الوحيد الي بقى لي
ام ناصر(خافت على بنتها):بسم الله عليك حبيبتي الله لا يحرمني منك قولي امين
شوق(من كل قلبها):امين ولا يحرمني منك

شوق هاللحظه حست انها مالكه الدنيا وما فيها حست اخيرا بالاكتفاء الي عمرها ما حست فيه الا الحين حست بيقمة الام ودعت ربها يحفظها لها و عرفت ان الشي الوحيد الي يدوم بالدنيا رضى الوالدين تذكرت مشاعل شلون امها عايشه وكانها يتيمة الام الله يعينها عشان كذا قررت تروح عندها....

************************************************** ********** ************************************************** **


طلال كان قاعد في الصاله ويدخن كل تفكيره كان محصور حول شوق وكلامها ما نسى ولا حرف قالته ....

شوق: تتزوجني ومن قال اني ابي اتزوجك تخسي الا انت اخذك انت بعتني يا طلال بعتني لفهد وبكل ضمير..... رانت يا طلال بحبك لي دمرت نفسك ودمرتني قبلك

حس نفسه من جد مثل ماقالت مجرد حقير ونذل شلون قدر يسوى كل هذا وهو يقول انه يحبها في الاخير طلع مجرد تابع لفهد وفي الاخير خسر كل شي وهو الي كان حاط بباله انه اذا سوى كذا شوق بتطلب منه يتزوجها لاكنه تفاجاء لما رفضته قوتها وكلمتها هزت فيه شي عمره ما حس فيه...

قطع عليه التفكير صوت التلفون قام بكسل ورد عليه....

طلال(بدون نفس):الو
ياسر:طلال انت وينك فيه؟
طلال:بالبيت ومالي نفس اطلع مكان وفر على نفسك الكلام
ياسر:أي طلعه انت ما دريت عن فهد
طلال(كره يسمع هالاسم):ليه وش فيه هالعله؟
ياسر:هالعله صار له حادث اصدمت فيه شاحنه وصار له شلل كامل

طلال اول ماسمع الخبر طاحت السماعه من ايده كان ممكن يكون مكان فهد تذكر فهد لما وعده بعد ما يخلصون من شوق يرحون البحرين ويحتفلون....

نزلت دمعه من عيونه وهو يتخيل شكل فهد مشلول ما يتحرك استغفر ربه اللهم لا شماته....
جلس على الارض مو قادر يصدق ان ربي بعد كل الي سوها عطاه فرصه يصلح اخطائه صحيح ربي يمهل ولا يهمل ...
لحظتها شي بداخل طلال تحرك ضميره قلبه الي دفنهم من زمان طلال الانسان النظيف الطاهر من كل القذاره الي كان عايش فيها .....

تذكر كل لحظات حياته مر قدامه كانه شريط سينما وكأنه بيموت تذكر كل طلعاته مع اصدقائه الي دمروه او دمروا طلال الانسان تذكر شربه وسهراته في الاستراحات والفنادق الي يما شافت ليالي فجور تذكر ساره وكل لحظه عاشها معها واخيرا تذكر فهد وشوق الي كانوا الفصل الاخير في حياته الي فعلا ناوي يغيرها ...

تسال لحظتها ليه يشوف شريط حياته قدامه تسال اذا بيموت هو فعلا بيموت من حياته السابقه وبيدا حياه جديده وكأنه انولد من جديد وبيكون طلال الي ما عمر احد عرفه لانه هو لسه بيكتشف نفسه...

"هل اتى علىالانسن حين من الدهر لم يكن شيئا مذكورا إنا خلقنا الانسن من نطفة امشاج نبتليه فجعلنه سميعا بيصرا إنه هدينه السبيل إما شاكرا وإما كفورا".....

************************************************** ********** ************************************************


قامت شوق من النوم وحست انها مرتاحه لانها تحس انها فضفضت ولو جزئ صغير بالي في قلبها لامها...
شافت الساعه جمبها ولقتها 8 ونص يعني اكيد البيت فاضي كلهم يتجهزون للعرس ودها تروح بس ما تقدر بتحس بحزن فضيع بتتذكر عبدالعزيز وتتمنى لو انها مكان رحاب ورغد ...

خذت شور وبدلت ملابسها شافت شكلها بالمرايا تسالت تحتاج تحط مكياج ولا لا...
كانت طالعه مره كيوت حتى من غير ولا مكياج ببشرتها الصافيه وخدودها المتورده وشفايفها الناعمه,مشطت شعرها ورفعته لبست العبايه وطلعت...

اول ما وصلت غرفة مشاعل خذت نفس وطقت الباب ودخلت....

شوق(ببتسامه حلوه):هاااي

مشاعل طالعت بشوق سكته وما ردت...

شوق:ادرى ماراح تردين على بس تعودت كل يوم اجي وما تردين,شخبارك اليوم؟
مشاعل بعد ساكته وما ترد...
شوق:شكلك احسن من امس وجهك منور وحتى شعرك مرتب مو زي كل يوم كشه
شوق(لاحظت الورد الاحمر):من هذا الي جاب لك الورد صراحه الباقه تهبل ما توقعت عندك معجبين كذا يا معذبة القلوب
مشاعل(بكل هدووء):عاشق اسبانيا
شوق:عاشق اسبانيا جاب لك الورد(بتفكير)لا يكون....والله طلع عمي عنده حركات خلني ادق عليه اخرعه

طلعت شوق جوالها ومشاعل طالعها بكل هدووء من غير ما تقول حرف واحد.....

شوق:هلا وغلا.....انا بخير....انت كيفك....الحمد الله على السلامه....العصفوره قالت لي....هههههه لا وجايب ورد بعد....ايه انا عندها ....اوكي ....مشاعل عمي يسلم عليك .......ما ردت عادي لا تزعل انا صديقتها ما ترد على....ما تدري ان اليوم عرس اخواني....اها اجل لا اعطلك روح تجهز....اشوفك على خير باي

شوق:بقولك شي بس يمكن ما تصدقيني انا ما ارتاح ولا استانس الا لما اجي هنا في البيت كله لوحدي وافكر على الاقل هنا افكر بصوت عالي حتى لو ما تردين على بس احس اني اكلم احد بالعكس انتي كذا احسن مستمعه في العالم لانك تسمعيني من غير ما تقاطعيني ولا تعلقين على أي موضوع اقوله.......كان ودي اروح العرس بس بتذكر عبدالعزيز وبزعل واصلا حتى لو رحت شنو بسوي زيادة عدد تدرين ساعات كثيره افكر انا شنو بقى عندي كل شي راح صرت من برى صوره حلوه الناس يتفرجون عليها لاكن من داخل بلاستيك أي بلاستيك زي عمليات التجميل مو يحطون بلاستيك داخل جسمهم واحيانا تنجح العمليه واحيانا لا وانا معاي انجحت وطلعت حلوه بس شنو الفايده اذا من داخل بلاستيك وعلى اقل شي يتغير...

قامت شوق وراحت عند الدريشه تتامل الحديقه الي برا....

شوق:الناس كلها تتغير اهلي تغيروا ناصر صار احسن من اول يسال ويجلس معانا بس مو كثير بس رغد الي الكل لاحظ انها تغيرت وحتى سامحتني تصدقين بصراحه اكتشفت اني لو الف الدنيا عمري ما راح القى وحده مثل رغد وكل يوم احمد ربي عطاني اخت وخصوصا وحده مثلها.....امس اول مره انام وانا مرتاحه تدرين ليه....لاني بالعاده ما انام الا على صوت الاغاني (ابتسمت ابتسامة سخريه) بس امس غير نمت على صوت القران حسيت براحه شلون اوصفها تحسين صدرك انفتح تحسين انه وسيع فعلا امس نمت وانا ...مرتاحة البال هالكلمه هذي مرتاحة البال كنت دايم اقولها بس عمري ما فكرت فيها يعني شنو مرتاحة البال؟....يعني تحطين راسك على المخده وانت عارفه انك ما ظلمت احد ولا في احد يكرهك ولا زعلتي احد ولو حتى بنظره ....حسيت اني ممكن فعلا اتغير رب العالمين يسامح شلون حنا البشر ما نسامح شلون عبدالعزيز ما يسامح بس كله من فهد بس هو خذى جزاه اللهم لا شماته...

تنهدت شوق من الالم والتفت على مشاعل....

شوق:يلا انا بروح الساعه صارت 10 وما ابي اتاخر عن البيت بكره بجيك الصبح باي

على اخر لحظه وقبل لا تطلع شوق سمعت صوت مشاعل....

مشاعل:الماضي ما يهم

شوق طالعت فيها مندهشه لانها اخير تكلمت تقدمت عندها وحطت الشنطه على الطاوله وقعدت على طرف السرير....

شوق:شقلتي؟
مشاعل:الماضي ما يهم
شوق:شلون الماضي ما يهم؟
مشاعل:انت شنو بتستفدين اذا دعيتي على فهد عبدالعزيز بيرجع لك وشنو بتستفدين اذا دقيتي عليه ولا ضيعتي حياتك كلها تتحسرين عليه بيرجعك..... هذا هديل دقت على فيصل مليون مره لا وراحت شافته بعد وش استفادت ضيقت على نفسها اكثر ومتى جاها لما قربت روحها تطلع ....انا شنو بستفيد اذا قعدت الوم امي وابوي على اهمالهم لي تتوقعين بيسمعوني الي ما يسمع لاطفال عمرهم 6 او 7 سنين بيسمع لي انا الي عمري 19 سنه ما اظن باثر عليهم اكثر. شنو بستفيد اذا غلطت مع راشد يعني بقربه مني اكثر بربطه فيني ما اظن وما انتقم من اهلي قاعده انتقم من نفسي...رغد شنو بتستفيد اذا علمت اهلك ولا لامتك رغد اكتشفت الي احنا ما عرفنه انها اذا سامحت بترتاح والشخص الي غلط عليها هو الي بيضايق انتي لما قالت لك انها مسامحتك ما تضايقتي؟

شوق:الا وكرهة نفسي حسيت اني مجرمه وشلون سامحتني بهالسهوله بس والله كبرت بعيني اكثر
مشاعل:شفتي يعني الي يسامح يحرج الشخص الي غلط عليه ..... اكتشفت وانا في المستشفى وانا اسمع واشوف حياة غيري انا حياتنا احنا الثلاثه كانت مجرد ورق
شوق:ورق؟
مشاعل:ايه ورق فيه معلومات مومهمه مكتوبه بالرصاص ومعملومات مهمه مكتوبه بالحبر وهذي نقط ثابته بحياتنا
شوق:بس اذا حياتنا ورق يعني ممكن تنداس بسهوله تتقطع على اقل شي صح؟
مشاعل:صح يعني المعلومات الي مكتوبه بالورق ممكن تنمحي على اقل شي بس المعلومات الي بالحبر نقط ثابته بس بعد حكمة ربي ان مافي شي يدوم وفيه الي اقوى من الحبر المزيل ممكن يمحيها بكل سهوله صحيح بيبقى لها اثر وما راح ننساها بسهوله بس الصفحه بتصير بيضاء حتى لو فيها تشوهات بسيطه لان حياة كل انسان لازم فيها اخطاء مهما كان مثالي ....

شوق:يعني حياتنا بتظل مجرد ورق؟
مشاعل:لا ممكن نخليها اكثر من مجرد ورق
شوق(مستانسه ان مشاعل اخير تتكلم وتتناقش معها):مثل شنو؟
مشاعل(بتفكير):الصخر صحيح بنتعب وحنا ننقش على الصخر كل نقطه بس في الاخير بتصير حياتنا خالده ما في شي يمحيها واخطائنا بتظل موجوده عشان نشوفها ونستفيد منها ولا شالفايده من الحياه اذا ما نطلع بفايده منها....بإختصار ارجع اقولك الي قلته من البدايه الماضي ما يهم

شوق طالعت مشاعل باستغراب ما عرفت ان المشاكل الي مرت فيها خلتها تتعلم اشياء اهلها ما علموها في سنين طالعت الدريشه وتاملت الحياه بره من جد الحياه تتغير ولازم اتغير معها....


************************************************** ********** ************************************************** ********** ************


طلعت شوق من عند مشاعل وهي مصصمه تغير حياتها اول ما طلعت من المستشفى راحت وسجلت بمعهد انلجليش وراحت وقدمت اوراقها على الجامعه ودخلت قسم انجليش وسجلت والسنه الجايه تبدا حياتها الجديده تبي تشغل نفسها او بالاصح ترجع بقايا حياتها الضايعه...

طلعت من الجامعه وهي تعبانه من الزحمه حقت التسجيل قررت تروح جيان تشتري اغراض ...
بعد ما خلصت اغراضها راحت عند ستار بكس تاخذ لها كافيه وهي ماشيه باتجاه ستار بكس لمحت واحد من بعيد شبهت عليه بس قالت مستحيل رفعت نظارتها و رجعت دققت وبالفعل كان هو....

كان واحد شيخ من الهيئه و وراه شرطه ابتسمت لما شافته وقالت الله يهدينا...
كان طلال وفعلا استغربت قد ايش الحياه تمشي بسرعه وكل شي يتغير وال يشافته خلها تصمم انها تستمر على التغير وما تسمح لشي يغيرها....

ليندا:miss is there any think?
شوق:no come ليندا

************************************************** ********** ************************************************** ********** ****************


مشاعل كانت قاعده تتفرج على مجله ومشغله التلفزيون سمعت طق الباب ودخل ابوها اول ما شافته سكرت التلفزيون وحطت المجله على الطاوله ونامت....

ابو مشاعل حس بالياس كل يوم يجيها وما ترضى تكلمه واذا اصر يكلمها صرخت وتطرد بره الغرفه هو عاذرها على الي تسويه بس يحس انه بيفقد الامل....

ابو مشاعل:صار لي شهور اجيك واكلمك وانت رافضه تطالعين فيني انا عاذرك لاني غلطت تركت شغلي واهلي يدقون ولا ارد اول مره امي تدق ولا ارد عليها كله عشان ما زعجك واحسسك ان انتي اهتمامي الاول والاخير مشاعل انتي بنتي وانا ما ابي اخسرك ولو الف الدنيا ما القى مثلك ولا ابي غيرك عموما انا مسافر الامارات اريح يومين ثلاثه يا ليت تفكرين فيني ولو لوقت قصير .....مع السلامه

مشاعل(بصوت هامس):لاتروح
ابو مشاعل(سمعها وركض لها):شقلتي؟
مشاعل(ودمعه تنزل منها):لا تروح
ابو مشاعل(وهو يمسح على شعرها):خلاص بكنسل السفره الله لا يحرمني منك

مشاعل ما قدرت تتحمل بعد ابوها عنها اكثر من كذا ارتمت بحضنه وقعدت تبكي تبي تحس بحنانه بحبه مشتاقه له ودها تظل بحضنه طول العمر ولا تبي شي ثاني...

ابو مشاعل في اللحظه هذي حس قد ايش بنته في حاجه له وعرف انه لو اشتغل عمره كله وبنته مو سعيده فلوس الدنيا كلها ما تسوى شي عند كلمة يبه منها ....

ابو مشاعل(وهو يمسح دمعه نزلت منه):خلاص حبيبتي انا ما راح اخليك
مشاعل:تكذب على تقعد عندي يومين وبعدين تختفي شهور
ابو مشاعل:لا هالمره غير
مشاعل:وش الي يضمن لي انها غير؟
ابو مشاعل:انا ما اضمنها لك عيوني ما تشوفين فيها كلام انا عمري ما حسيت فيه كلامي ما يطلع من قلبي
مشاعل:الا ويدخل قلبي على طول
ابو مشاعل:خلاص اجل انا ماراح اخليك ابد وما راح اطلع من هنا لو كل اهلي يجون وحتى ملابسي بخلي الخدمات يجوبنها بس ما تبعدين عن عيني...

مشاعل ماقدرت هذيك اللحظه تعبر عن مشاعرها اكتفت بأنها تبتسم وتحضنه عشان ما يبتعد عنها....
في هذيك اليله مشاعل نامت بحضن ابوها تعوض سنين الحرمان الي عاشتها....


************************************************** ********** ************************************************** ********** ****


مرت سنــــه كامله على الاحداث ال يفاتت والكل فعلا فيها تغير غير القلوب الي بقى فيها الحب ما تغير...

في مطار الملك فهد...

مشاعل(وهي تحضن شوق):وحشتـــني
شوق:وانا اكثر يا الدبه طولتي بس طلعتي مثل القمر الحمد الله على السلامه
مشاعل:الله يسلمك تجربه عمري ما انساها
شوق:للحين مصممه على رايك؟
مشاعل:وما راح اغيره شوق انا عشت هنا سنين تعبت فيهم يمكن اعتقدوا اني تعودت على العيشه هنا بس انا ما تعودت انا ما انكر اني عشت لحظات وايام حلوه معاك ومع هديل الله يرحمها ومع غيرك بعد بس خلاص انا وبابا تصالحنا وبنترك كل شي هنا همومنا ومشكالنا بنرميها ورى ظهرنا وبنطالع قدام
شوق:وفكرت بامك؟
مشاعل:انا صحيح برجع امريكا بس بدور على اخواني وبخليهم يعيشون معنا انا وبابا وماما هذي سالفه ثانيه الدكتور يقول دوري عليها عشان القى اسئله على اجوبتي بس مو شرط كل سؤال له جواب ويبيلي وقت اتقبل فكرة اني ازور ماما
شوق:اهم شي راحتك....وراشد طيب؟
مشاعل:الفتره الي فاتت عقلي كان مشوش وما ابي اذكر شي من الي فات الحين عقلي صافي ومرتاحه اكثر
شوق(وهي تضمها):الله يوفقك وسلمي على اخوانك وبوسيهم ولا تقطعين
مشاعل:وانتي بعد أي فرصه تجيك تعالي عندي في امريكا وانا أي اجازه عندنا بجي
شوق:اوكي بتوحشيني يا الدبه
مشاعل:انا والله اكثر بس شقلنا....
شوق:اعرف الماضي ما يهم
مشاعل:هههههه شاطره تعلمتي الدرس بسرعه
شوق:عمي
ابو مشاعل:هلا
شوق:تروحون بالسلامه (وهي تطالع مشاعل) ويمكن ترجعون ,حط بالك على مشاعل هذي ميشو الغاليه
ابو مشاعل(وهو يمسك يدها):اكيد هذي في عيني من داخل سلمي على اهلك
شوق:يوصل انشاءلله,باي
مشاعل:باي

ودعت شوق مشاعل على امل الالتقاء مره ثانيه مكان ثاني وزمان ثاني المهم الالتقاء....
تذكرت مشاعل شي بيتعطيه لشوق....

مشاعل:بابا نسيت اعطي شوق شي بروح اعطيها وارجع
ابو مشاعل:مو مشكله باقي ساعه على الرحله بس لا تطولين؟
مشاعل:اوكي دقائق

ركضت مشاعل لمكان الي تركوه فيه شوق بس للاسف ما لقتها قررت ترجع وترسله بالبريد....
قبل لا تروح سمعت صوت من وراها عرفت صاحبه بس كانت خايفه تشوفه هي مسافره عشان ما تواجه....
بس قررت تلف وتواجه بما انها تقول الماضي مايهم....

راشد(بكل لهفه وشوق):الحمد الله على السلامه مشاعل
مشاعل(بغت تبكي لما شافته كانت فعلا مشتاقه له):الله يسلمك
راشد:كنتي بتسافرين من غير ما تقوللي؟
مشاعل ماعرفت بشنو ترد نزلت راسها وقعدت تلعب بخصل شعرها....
راشد(قرب منها):انتي زعلانه مني؟
مشاعل(بسرعه):طبعا لا من قال
راشد:اجل ليه ما تبين تكلميني؟
مشاعل(تنهدت وابتسمت):اقنع نفسي بشنو انا اقول اقول الماضي ما يهم بس انت ماضي مستحيل انساه
راشد(مسك ايدها):وابي اكون جزء من مستقبلك
مشاعل:شلون؟

راشد مسك ايدها ونل على ركبه وحده على الارض وطالعها بكل حب....

مشاعل:راشد حنا بمكان عام؟
راشد(ما يهمه احد الا الي ملكة قلبه):انا مااقدر انساك ولا انتي بعد ليه نقص على انفسنا ونقول ان حنا ممكن ننسى حنا مستحيل ننسى حب عاش بقلوبنا


تسافر لاخر الدنيا وتطلب مني ما اشتاق
تدور راحتي وانت تبي تروح وتخليني
شسوي بصورتك عندي شسوي بكل هالاوراق
اذا يغنيك عني شي فلا شي عنك يغنيني

شسويلك وله قلبي على قلبك وصدري ضاق
شسوي ان صارت الدنيا صغيره بعدك بعيني
من اشرحله من احكيله من اشكيله الم الافراق
ومن غيرك فهالعالم يعرف شلون يهديني

تسافرلاخر الدنيا وتطلب مني ما اشتاق
تدور راحتي وانت تبي تروح وتخليني
تخيل غيبتك عني تخيل حرقة الاشواق
وتعرف ليه اترجاك ايدينك تبقى بيداني

حبيبي لا تخليني عذاب الوحده ما ينطاق
ذبحني الخوف من الفــــــرقــــــا
ياليتك تحس فيــــــنـــــي....


مشاعل:بس بابا ينتظرني داخل وحنا خلاص حجزنا
راشد:وانا بعد حجزت
مشاعل:شلون عرفت اني بسافر؟
راشد:أي ش يخصك انا اعرفه
مشاعل:ومسى كل هالتمثليه وانا على بالي تبيني اقعد معاك هنا
راشد:ولو قلت لك اقعدي بتروحين؟
مشاعل:افكر هههههههه
راشد:هههه مشاعل انا قررت اخطبك من ابوك
مشاعل:بعدكل الي صار بينا للحين تبي تخطبني؟
راشد:بعد الي صار بينا انا مصمم اخطبك مو عشان شي عشاني ما اقدر اعيش بدونك
مشاعل:يعني شلون تخطبني بالمطار
راشد:ههههههه انتي للحين مجنونه طبعا لا لما توصلون وترتاحون شوي بجي انا واهلى ونخطبك
مشاعل(تحس الفرحه مو سيعتها):لولا ان حنا بمكان عام كان حضنتك
راشد:هههههه يلا امشي باقي نص ساعه على الرحله
مشاعل:بعد معنا على نفس الرحله
راشد:اكيد اجل شلون اخليك
مشاعل:ههههههههههه

وبكذا مشاعل انتهت حياتها السابقه وابتدت حياة جديده مع حبيبها راشد وبيكملون حياتهم مع بعض بحب وسعاده مشاعل الحين اكتفت وحست اخيرا بالقناعه عندها كل شي كانت تحلم فيه...

الحب وحنان الاب والفلوس واهم شي الايمان بالقلب شنو تبي اكثر من كذا ولا شي....


************************************************** ********** ************************************************** **


كان توه بيطلع من البيت الا ابوه يناديه....

ابو فيصل:فيصل وين رايح؟
فيصل(راح وحب راس ابوه):خير يبه بغيت شي؟
ابو فيصل:لا ياوليدي بس الشغل ما اظن في شي مهم انت على وين رايح؟
فيصل:في عندي اوراق بوصلها الشركه وبرجع البيت
ابو فيصل:خل السواق يوديها؟
فيصل:لا يبه هذي اوراق مهمه لازم انا اوديها
ابو فيصل:على راحتك بس لا تسرع
فيصل:انشاء لله تامر على شي؟
ابو فيصل:سلامتك انتبه على نفسك
فيصل(ببتسامه هادئه):انشاء لله

طلع فيصل من البيت وابوه يدعيله بالهدايه صحيح بعد سنه من الي صار تحسن لاكن الكل يعرف ان فيصل الولى عمره ما يرجع جزء من فيصل انكسر بعد وفاة هديل صار هادئ ووجوده في مكان زي عدم وجوده يشغل نفسه باهله ومشكالهم والشغل عشان ينسى الحزن الي عايش فيه ما نسى هديل ولا عمره بينسها....

ركب السياره وشغل شريط نوال الي كل يوم يسمعه حب نوال لان هديل كانت تحبها كان يسوق وهو يسمع اغنية(شمس وقمر) توصف حالته بالضبط مع هديل....

تدري انا وياك قصتنا مثل شمس وقمر
من اول الوقت حتى اخره ما يلتقون
كلن يدور صاحبه
وحكم القدر تشرق تبيه يغرب يبيها....
وفي السما يتخافـــــــــــــون...

تدرى انا ما عاد اظن ان لي معاك قسمه
ويا عزتي للقدر ونده وخصمه
قاوم هبوب العاصفه وهدته نسمـــه
نسمه رقيقه ظالمه ما بقلبها رحمه....

يا من عرفني اليل واقف على بابك
لا صرخ واهد الليل ما اتحمل غيابك
ما اتحمــــل غيــــــا بــــــك....

اااه يا حبيبي ما بيدنا حيله
هذا نصيب قلوبنا ويا علها خيره
كل شي حبيبي بينتهي حبنا خالد
صفحه تشع من البياض الله بها شاهد

تدري انا ويالك قصتنا مثل شمس وقمر
من اول الوقت حتى اخره ما يلتقون
كلن يدور صاحبـــــــــــــه....


والسنين كفيله بانها تداوي جروحه ......


************************************************** ********** ************************************************** ********** ************


طلعت من البيت ومو عارفه وين تروح تحس انها سعيده لاكن مع كذا يبقى شي بداخلها يحسسها انها ناقصه شي يمكن تلقاه ويمكن لا....

نزلت من السياره بهدووء وراحت عند البحر وقفت عند السور تتامل هدووء البحر وجماله اخذت نفس عشان ترتاح مرت نسمة هوا طيحة غطاها توها بترفعها الا باحد من وراها يرفعها لها....
استغربت لفت وراها تشوف مين ووقف الزمن فيها لحظه دمعة عيونها شوق له فكرت انها انسته لاكنه طلع ساكن بأعماق قلبها...

عبدالعزيز(وهو يمسح دمعتها):سامحني ادرى اني نذل وحقير وجبان والمفروض ما اتخلى عنك لاني وعدتك ووعد الحر دين

شوق ما قدرت ترد عليه حاسه باحساسيس غريبه شوق وحب وخوف وحزن وزعلانه بعد منه لانه تخلى عنها...
التفت لجهة البحر من دون ما تقول حرف واحد....

غبت عني والشوق جابك عمري الغايب هلا بك
يا مسى الاشواق ياروحي الهوا يسال جروحي
غبت وين الناس قولي انت وينك حبي وينك الهوا مشتاق؟؟....

بالمحبه ابتدي من وين يا غرامي يا حبيبي شوقي لك بعثر كلامي
يا حبيبي ابتدى من وين بالمحبه يا غرامي شوقي لك بعثر كلامي

قولي يا خلي من الي ياخذك مني وانا الي توقف ايامي
في بابك في غيابك يا حبيب روحـــــــــــي...

في دروبك الف كلمة شوق تبتدى بيك وتنتي بيك
تضحك بنظرة حبيبك يا حبيب روحــــــــــــي...

قولي يا خلي من الي يا خذك مني وانا والي توقف ايامي
في بابك في غيابك يا حبيب رحـــــــــــــــــي...
عبدالعزيز:انا غلطت بس انا جيت اليوم اقولك خبر حلو
شوق:حلو قول شنو؟
عبدالعزيز:انا امس شفت فهد
شوق:هالانسان ما يهمني
عبدالعزيز:بس هو قالي شي ولازم تعرفينه
شوق:شنو فضيحه جديده؟
عبدالعزيز:لا غلطه هو سوها ويبي يصحهها
شوق:يصحح شنو؟
عبدالعزيز:فهد قالي ان انتي للحين بنت وهو ما لمسك
شوق(مو مصدقه):بس انا قمت وشفت نفسي.....
عبدالعزيز(قاطعها):ادرى فهد قالي على كل شي وقال انه سوى هالحركه عشان تعتقدين انه اغتصبك مع انه ما لمسك
شوق:بس يكفي انه شال....(وسكتت منحرجه)
عبدالعزيز:شوق لا تحرجين من شي انتي مالك ذمب فيه
شوق:وانت بتقدر تنسى؟
عبدالعزيز:انا معاك انسى نفسي شلون ما انسى ماضي راح
شوق:صدقت مشاعل الماضي ما يهم
عبدالعزيز:بس في شي سويته و......
شوق:خلاص عبدالعزيز قلتها سويته يعني مافي فايده تقولي عنه طلبتك عبدالعزيز لا تحاكيني عن الماضي....


وبكذا انتهت حياة شوق الماضيه وابتدت مثل مشاعل حياه جديده مسكت بيد عبدالعزيز ومشوا مع بعض على البحر وعاشوا حياه كلها حبxحبxحب خخخخخخ


النهــــــــــــــــــــــــا يـــــه....



بعد سنــــــــــ4 وات....

شوق وعبدالعزيز:تزوجوا وجابوا 3 اطفال بنتين توام وولد

مشاعل وراشد:تزوجوا وجابوا بنت وولد

فيصل:ما اقدر اوصف بكلمات ابلغ من كلمات حسين الجسمي...

يا سنين عمري كفايه حزن يا سنيني
خلاص راح الذي يستاهل احزانك
اااه لمي جروحك وكفي الدمع يا عيني
ردي لزهرة حياتي باقي الوانك....

وش ذكرك بالهوى الي كان ناسيني
والحزن ليه بدا في يوم عنوانك
وش ذكرك بالليالي الي تبكني
والجرح الاول وصوت الناي بالحانك

يا سنــــــــين عمري كفايه حزن يا سنـــــــني....

يا سنين كفي عن الذكرى وخليني
ما عدت انا اقوى على حزنك واشجانك
ما اتحمل اكثر من الي بينك وبيني
جفت عروقي وانا صابر على شانك

حاولت ادارى الحزن الي عايش فيني
واحاول اضحك غصب في وجه خلاني
لاكن حزن الليالي بان في عيني
واقول يا سنين هذي اخر احزانك


يا سنــــــــين كفايه حزن يا سنـــــــني
خلاص راح الذي يستاهل احزانك


************************************************** ********** ****************************************


وهذي كانت نهاية ابطالنا اتمنى انكم استفتوا من اخطائهم وعرفتوا ان الي يغلط لازم يدفع الثمن بعدين هذي كانت روايتي الاولى اتمنى اعجبنكم وبوجدكم ما تكون الاخيره ما عندي كلام اقوله الا الي ابتديت فيه روايتي الاولى(طلبتك لا تحاكيني)....

طلبتك لا تحاكيني عن احبابك ولا ذكراك
ولا ودي تعلمني عن الماضي ولا ادرى
انا ما همني الماضي ولا ايامك قبل لا القاك....

اخيرا جيت يا وجها قضى عمري وانا استناه
وجيت بصورة فاقت خيالي وحلمي العذري
حبيبي خلانا نبدا حكايتنا غنوينا قبل ما لوقت
يسرقنا ولحظات الهوا تسري....

انا ابغى حبنا راقي يودنيا بعيد هناك
لدنيا مابها فرقا ولا كذب ولا غدري
اذا على الوصل انا عاهد وربي ما بيوم اجفاك
لخجل بالعطا غيري واجازي صبرك وصبري....

انا طمعان بوصالك وشاري بدنيتي دنياك
وحكم الحب في يدينك تبيع احساسي او تشري
اذا شاري سنين العمر ياعمري الهوا يفداك
واذا انك بعت لاتنطق ابا اعرف عندها قدري....

طلبتك لا تحاكيني....